Read Khiamniungan Naga Nianlom Jih 17 Bible Online

Nianlom Jih 17 - Khiamniungan Naga bible

Nianlom Jih 17

¹O APAOU, ngiotsüo mikhem thaiutha jü akojatsün tü anglu; ahachu thaiutha ngü wetsün tü mongkiukü anglu! Ngü nou saitha ngiotsüo misao tü anglu.

²Ni ngü penkiukü mikheme, tiautenai ni ayam atha nou ngeji.

³Ni jü mongpem ngeji. Ni jüdongai asoh shin; ni ngü tü thumkü thelu-iu naiuso ngü da tsümeikün mongyang ti tsüepsan.

⁴Amaohaili ngo tsümeikün tsüsingioji; ngo ni thoiluttsün angio angkü shin, naiuso alotheantsün yam tü tsühoilut.

⁵Ngo asaita ayamai tsakei naiuso nung ainou tilaitso pungekü tsükhu.

⁶O Goa, ngo ni tü misaoji, tiautenai ni ngü tü thalaji; nungtiphe jüdongai akha phokleküta jüngio nouso anglu.

⁷Ni nou athanga atsüojin tsangsheikü ahan naiuso ngü akipsan; adongko nailu ngo jü ehso ainou kipsankü noin.

⁸Anioveitingli ni ngü akipsan Tsümeikünsoüh pha poau noitsün

⁹ainou a-ekukso khemai ngü atsangan. Eh atsaoting nousoüh ngü lemjeikü noin;

¹⁰ngüso atsüojin tsüsun naiuso pülomkü chiteji.

¹¹Ngo tiai salükhunlünou, ngüsoüh ngü ten-iau ngo lemjeikü jiokü noin.

¹²Ngü nelangkü chipek heau mongchiokü, chongkhao nouso khekkü, ngüsoüh ngü tü taiuji.

¹³Ashi, APAOU! jü ehso ta nanküta ngüso ashiolowan! Asalaiu tsangkü tsümeikünso ainou ngü akipsan;

¹⁴nung aakih tao ngüsoüh aiutsün apem taiutsünso ainou ngü akipsan. Ngüso thaiutha ni kamsantaiutsün omhe nousoüh ngüso lü angja-an-i; loüh ngüso thsaosithsoso hau saokü angja nou saiukü lükiu!

¹⁵Lüko ngoto ni eppe, tiautenai ngo aphio tsüchhi; naiuso ngo tilai thsüonge-e, ni epnai jümongpem amongling nou meankü noi-e.