Read Khiamniungan Naga Nianlom Jih 21 Bible Online

Nianlom Jih 21 - Khiamniungan Naga bible

Nianlom Jih 21

¹O APAOU, nokpao nou monglingatji, tiautenai ni apa hau oukong kium, apa koiatji tiautenai ni apa hau shiolo-in.

²Ni apa hau apaüh mongchiotsün kiuwaniu; naiuso ni apaüh kojatsün thala-iu.

³Ni apa dongai ouk asong kankü shin naiuso apa khaiu ai chaiou lakkeng kandio nou keikiu.

⁴Apaüh ni da aa nou saom, naiuso ni nung apa hau athontsüyang aakihlaiu nou kium,

⁵Ni hachukiu nou shioko apa ajinka songkü noin; ni apa hau niansong naiuso asuhat nou kium.

⁶Ni nou ouk nouso apa ko asaita noin naiuso ni hatsün nou apa amongling nou miankü noin.

⁷Nokpao nou APAOU Apemshiotsün da monglamji; naiuso APAOU ün atsüojin shioko apa asaita aalokü noi-e.

⁸Nokpao nou apa ehso chikü thalou-e; apa chinyantsün pungkü apaüh thalou-e.

⁹Tilai apa shi-e innyai khekkü apaüh ngüso lomowane. APAOU nou apa amongmat nai ngüso mioliane naiuso ngüso in nou chetheane.

¹⁰Ngüso thsaosithsoso tsaktso tsüpoi-e nokpao nou ngüso chikü loate.

¹¹Ngüsoüh apa thako akausai mongthat thate, lüko ngüsoüh ashio tsüeppe.

¹²Apaüh ngüso tü apa uokopchon nousoüh kope naiuso ngüso khuponan-i-e.

¹³APAOU, aoukong asong thaiutha samüh ni lomsanji! samüh a oukong lomsankü jih jih-e.