Read Khiamniungan Naga Nianlom Jih 26 Bible Online

Nianlom Jih 26 - Khiamniungan Naga bible

Nianlom Jih 26

¹O APAOU, ngü aphio tsünoi ta mi akheman, tiautenai ngo ayam atha nou chhiji naiuso ni da thumkü amonglam taiu-ji.

²Ngü athelu naiuso alilu, O APAOU, jü amongchio naiuso jümongyang nouso alilu.

³Ni nou atsüojin jüyam niatsün noin; ni mongkiutsün nou ngü asai niakeiji.

⁴Atheao tsünoikün khaiuniahoi ko ngo tsühaji; tsüdekünai akausaihoi nousoko ngo ti chhi tsünoi.

⁵Tsümeikün khaiuniahoi hoikam ngo chinyanji naiuso akausai hoiko tsühaji.

⁶APAOU, ngo aphio tsüsun ta hanau ngo jüpha nouso tsaowanji naiuso ni nou amthang lemkü amkhamkü tsakeiji.

⁷Ngo nianlom kiutsün jih tsak hangji naiuso ni nou athanga chhisiya nouso chikü chiteji.

⁸O APAOU, ni noitsün tsam ngo tsüojinji, ni nou ajinka noitsün athang ta ngo tsüojinji.

⁹Angeihoi nousoko hakü ngü lalomowan; khaiunia loattsünso aküo ainou ngo akipsan.

¹⁰Nungso asai tsümeikü chhitsün khaiuniahoi, naiuso asaita nekhem paopei luao mongchiotsünso noin.

¹¹Lüko ngü to, ayam atha nou ti noin nung chhiji; ngü tü atsüojinyang anoi naiuso ngü akipsan!

¹²Angja chikü ainou ngo kipsankü noin; apa ün khaiuniahoi ajeiaikam nai ngo APAOU lomsanji.