Read Khiamniungan Naga Nianlom Jih 27 Bible Online

Nianlom Jih 27 - Khiamniungan Naga bible

Nianlom Jih 27

¹APAOU jü awon naiuso jü akipsantsün; Ngo saulon tsühate. APAOU nou ngü angja chikü ainou soloji; Ngo tilaitso hatkü tsünoi-e.

²Tilai tsümeikün khaiuniahoi nou ngü da pha pokü ngü loatau koweji, ngüso khiathiowanji.

³Süpai ahoi thumüh ngü lemlo lüko, ngo tsühate; ehoi nou ngü ta pha polüko, ngo APAOU dalu amonglam taiu-e.

⁴Ngo APAOU tü tso tsak thaiutha sangiu; tso tsaklu ngo aiuji; nung jü aakilaiu chikü APAOU tsamai kih au APAOU aleng amei tü thapau, naiuso apa ün yamnia thaiutha sangiu.

⁵Angja tao nousoko nai apaüh ngü solo-e; apa amkham tsam nai apaüh ngü aalokü taiu-e naiuso lung atsok chiai apaüh ngo aalokü noi-i-e.

⁶Nungtiphe ngü lemkü noitsün jü ehso khako ngo ashio nou eppe, Amongling nou wekü ngo apa Amkham Tsam nai aloat chaithio kiu-e; Ngo jih jih-e, Ngo APAOU nou lomsane.

⁷O APAOU, tilai ngo ni ta jone, jü sangh alula-i! Ngü tü atsüojinyang anoi naiuso ngü tü athala!

⁸Ni tilai, “Ashi küta ngü amkham,” ta ngiom, ngo thalakü ngiom, “APAOU, Ngo shi-e;

⁹ni ngü ainou pamkü lanoian!” Ngü ko lamongmat; ni yathsüotsün lakoman. Ni ngü tü hachutsün noikü shin; ngü lalean, ngü lawanan, O Goa, jü akipsantsün.

¹⁰Jüpo si jünyiu neüh ngü wanau shiom, lüko APAOU nou ngü paotsange.

¹¹APAOU, ni ngü hau ti chhi iau mongchioji, ngü hau atsande, naiuso ngü solokü noitsün yamai ania, tiautenai jü ehoi piakü noin.

¹²Atsüotsüdekü naiuso akausai ngio nou ngü tü khengshitsün, jü ehso phamongai ngü lanapi.

¹³Nung aakih nouko ngo APAOU ün aleng amei eppe ta ngo ngeji.

¹⁴APAOU da amonglam lütaiu. Lamonghen, monglamkü lünoi. APAOU da amonglam lütaiu.