Read Khiamniungan Naga Nianlom Jih 33 Bible Online

Nianlom Jih 33 - Khiamniungan Naga bible

Nianlom Jih 33

¹Asam asio nouso chikü, APAOU nou ti chhin nung thaiutha wekü lümongling; asam apa ngio angtsünso chikü, apa lülomsan.

²Kokiang hakü APAOU hau nianlom lükiu, akhongtsün jengtsaiu nouso hakü apa tü jih lüjih.

³Jih ayan tsak apa tü lüjih; kokiang nou monkü lükhong, naiuso amongling nou lüwe!

⁴APAOU ngio nouso atsüo noin naiuso apa chhisiyaso amonglamau lümeikü.

⁵APAOU nou asio naiuso ngiotsüo nou tsüojinji; apa atsüojin nou goumchi meankü noin.

⁶APAOU nou aün nouso apa ngiokhem tsangkü shan, naiuso aje, alei, naiuso kianthsüo nouso apa ngio ngiotsün tsangkü shan.

⁷Apaüh khiamnok nouso athang tsak ko kamshikü wan; apaüh khiamnok auoting nouso apa pei nai kiapkü wanji.

⁸Goumchi chikü nou, APAOU lüam! Goumchi ko kihtsün khaiunia chikü nou, apa asu lühat!

⁹Tilai apa singio, Goumchi nou shan; apa ngiokhem tsangkü alum sungh.

¹⁰Mele nousoüh thattaiutsünso APAOU nou yaang iula-iji; apaüh nungso tsüchhi-ikü lolaokü wanji.

¹¹Lüko apaüh taiutsün to asaichi noi-e, apaüh thattaiutsün athontsüyange.

¹²Sau meleüh ngüso Goa au APAOU nou theji nung mele thaiumei; Mele sübao apaüh meshen khaiunia theau chosaniu, nung mele thaiumei!

¹³APAOU nou aün ainou thapiji naiuso khaiuniale chikü epji.

¹⁴Goumchi nai noitsünso ta apaüh apa nokshingtsün ainou thapiji.

¹⁵Apaüh ngüso mongyang chikü shanji naiuso ngüsoüh chhitsün alum ngeji.

¹⁶Apa süpaiso oukong shioko nokpao nou tsüshioji; süpai tsaküh apa oukong shioko ashio tsüepji.

¹⁷Ashioloau ehli mokthso pokü tsünoi; ngüso oukong asong nou ngüso tsükipsane.

¹⁸Sauhaiüh apa ngio angji, naiuso sauhaiüh apa atsüojin da amonglam taiuji, ngüso tü APAOU nou jimji.

¹⁹Apaüh ngüso ean ainou kipsanji; apaüh ngüso naiusile taoko aasan-iji.

²⁰Samüh sam ayangtaiu APAOU nou da taium; apa sam kiploutsün naiuso sam haloutsün.

²¹Apa shioko sam monglingatji; sam amonglam apa asio nian nai noin.

²²Samüh ni da ayangtaiu noitsünli, APAOU, ni nou atsüojin sam da anoi-i.