Read Khiamniungan Naga Nianlom Jih 34 Bible Online

Nianlom Jih 34 - Khiamniungan Naga bible

Nianlom Jih 34

¹Ngo asaita APAOU nianlome; Ngo tilaitso apa lomsantsün tsülao-e.

²Apaüh ti chhin nung thaiutha ngo apa lomsane; thangmangkü noinsoüh anglu, naiuso lümongling!

³Ngüko aikü APAOU asong nou awepeng; Naiuso samüh aikü apa nian lomsanko!

⁴Ngo APAOU tü misao, naiuso apaüh ngü tü thala; jü ahat chikü ainou apaüh ngo kipsan.

⁵Thangmangkü noitsünsoüh apa tü thapji naiuso monglingatji; tiautenai ngüso tilaitso henyikü tsünoi-e.

⁶Angja khaiunia nou apa tü jonji, naiuso apaüh thalaji; ngüso angja chikü ainou apaüh ngüso kipsanji.

⁷Sauhaiüh APAOU asuhatji apa honghoi nou ngüso jimji; naiuso angja ainou ngüso kipsanji.

⁸APAOU titi amei nung ni lü-epsan. Sauhaiüh apa ko aalo epji ngüso thaiumei.

⁹Asam apa khaiunia chikü, APAOU Asu lühat; sauhaiüh apa ngio angji, ngüso potsün chikü taium.

¹⁰Chongkhao nouso aheshiu nou tsüsaiukü nou naiuatji, lüko sauhaiüh APAOU ngio angji ngüso to amei ti nou tsüsaiukü tsünoi-e.

¹¹Ashi methsoso ngü tü anglu, naiuso ngo asam hau APAOU lon hatau tsande-e.

¹²Aa nai amongling epao ni mongchioji mo? Ni aakilaiu naiuso amongling aiuji süne?

¹³Nungaito aleiüh tsümeikü chitetsün ainou naiuso yaang chitetsün ainou alaolo.

¹⁴Tsümeikü ainou lüpunge küta amei lüchhi; asam mong chikü nou nokmei thaiutha lükowe.

¹⁵APAOU nou asiohoi tü jiokü thapji naiuso ngüsoüh wetsün tü angji;

¹⁶Lüko sauhaiüh tsümeikü chhiji, apaüh ngüso khengshiji, nung tsangkü tilai ngüso eane, ngüso shakta beanji.

¹⁷Asio khaiunia nou APAOU tü jon nai apaüh angji; apaüh ngüso angja chikü ainou kipsanji.

¹⁸Monghenkü noitsünso dongko APAOU shimkü noin; apaüh ayangtaiu apem khemankü noinso kipsanji.

¹⁹Khaiunia amei tsak angja piakü ko pheteji, lüko nung chikü ainou APAOU nou apa kipsanji;

²⁰APAOU nou apa thumkü jüosanji; apa uo tsak lüko tsülongek.

²¹Angei nou tsümeikün loate; Asio lon chinyantsünso hau angja kiu-e.

²²APAOU nou apa khaiuniaso kipsane; sauhai apa dongai akiploau thaiutha khuji, ngüso to aasan-e.