Read Khiamniungan Naga Nianlom Jih 36 Bible Online

Nianlom Jih 36 - Khiamniungan Naga bible

Nianlom Jih 36

¹Angei nou tsümeikün khaiunia tü apa mongpem akheitingai apaüh Goa tsülouji naiuso, Goa hau asuhat kiutsün apa da ti tsünoi ta chiteji;

²Apaüh meshen chija lotsokkü Goa nou apa angei tsü epsane naiuso aphio tsükiu-e ta yangji.

³Apa ngiosingio akausai naiuso yaang noulu meankü; apaüh loto ti atha naiuso amei noin nung tsüchhiji.

⁴Apaüh meshen then nai sai noinai mongyang tsümeikün thatji apaüh chhitsün tsaktso tsümei, naiuso apaüh tsümeikün tsaktso tsünananji.

⁵APAOU, ni nou atsüojin, nou aün nouso saowankü noin; nia monglamtsün nou maou nouso ngoikü noin.

⁶Ni asio nou king atsok nouso khekkü noin; ni nou ngiotsüo mikhem khiamnok li aokü noin. Khaiuniathso naiuso thainian nouso ni apaotsang khemko noin.

⁷O Goa, ni nou atsüojin, nou titi chaiou noin! Samüh ni nou ekukso khemai asolotsün epji.

⁸Ni eheshiu saiukü kiutsün nou samüh sümai saoheji; ni nou amei haiumong ainou sam hau shiu-iji.

⁹Ni tsangkü aa apem nyimsanji, naiuso ni nou aawon shioko samüh aawon epji.

¹⁰Sauhaiüh ni ngeji ngüso tü tsülaokü lütsüojin naiuso asio nouso tü ameilu achhikiu.

¹¹Abülom khaiuniaso hau ngü tü pha lapo-i tsüdekünai tsümeikün khaiuniahoi khako lakhulükhun-i.

¹²Tsümeikün khaiuniahoi tiai loiankü noin athaplu. Ngüso achushiau tsüshiokü nungko saikü noian.