Read Khiamniungan Naga Nianlom Jih 38 Bible Online

Nianlom Jih 38 - Khiamniungan Naga bible

Nianlom Jih 38

¹O APAOU, ni mongmat sungnai ni ngü la-angja-i!

²A- oukopchonüh ngü tawaikü noin; naiuso aphaüh ngü tü woi.

³Ni mongmat nou shioko, ngo thatü kiakü noin; jü angei shioko, jüpem akia nou mianiu.

⁴Jü angei khiamthe nai ngo limanji; Nungso jü thaiutha akanau tsüshiokü lethsangkü noin.

⁵Ngo aiuwan shioko, jü chaikiaso achoi nyamkü noin.

⁶Ngo ajei nou kaulüshianiu; Ajekhaiu thathonkü ngo mongsaiuji.

⁷Jü tso thatü jekkü noin naiuso ngo eau lümeikü noin.

⁸Ngo outsükongshi naiuso thatü jeiji; jümong aalo tsünoi, naiuso ngo akia nou ngetji.

⁹O APAOU, ngo ti mongchioji ni nung ngeji; ni ngü ngettsün chikü lulaji.

¹⁰Jü mong aalo tsünoi, jü oukong tsünoishi, naiuso jü niovei tsütsüoshi.

¹¹Jü chaikia mou nouso shioko, jü haiso naiuso jü phaoso ngü shimkü tsüshi-e, jü tsammongso tso tsüshishimkü noian.

¹²Ngü loatau aiutsünsoüh jü thaiutha jin jintaiuji, naiuso ngü angja-iao aiutsünsoüh ngü lomowanau lohatji; Ngüso jü thako mongkhemkü thatsantsün tilaitso tsülaolo.

¹³Ngo noukek khaiunia tsakli, alulaau tsüshio, naiuso ngo achiteau tsüshiokün leijep tsak khekkü noin.

¹⁴Ti lulaau tsüshiophe, ngo athalaao tsüshiokün khaiunia tsak khekkü noin.

¹⁵Lüko O APAOU, ngo ni da monglamji, naiuso ni, O APAOU, jü Goaüh ngü tü thala-e.

¹⁶Jü angja khako jü ehso lakoihe-i; ngü saowantsün thaiutha ngüso labülom-i!

¹⁷Ngo angja shioko loiane ta noin.

¹⁸Ngo jü angei nouso phekji; Nungsoüh jümong tsütsam-iji.

¹⁹Jü ehso ameilei naiuso kongsimongkü noin; ti koko ta tsüdekü ngü chinyantsün piakü noin.

²⁰Amei liko tsümei laokiushitsünso jü thako noin tiautenai ngo ayamtha nou chhisiya au koweji.

²¹O APAOU, ngü lawanan; jü Goa, ngü ainou pungekü lanoi!

²²O APAOU, ngü kipsantsün, ngü lo ahalou!