Read Khiamniungan Naga Nianlom Jih 39 Bible Online

Nianlom Jih 39 - Khiamniungan Naga bible

Nianlom Jih 39

¹Ngo ngiom, Jü lei tsangkü ngü angei tsüsunhe-e; “Ngo ti chhiji nungko ngo tsüokü the-e; Tsümeikün khaiunia shimkü noinai ngo titso tsüngio-e.”

²Ngio tsaktso tsüsingiokü ngo nyankü noiküla, amei thaiutha tso titso tsüsingio! Lüko jü aangja tekkü thsoula-an,

³naiuso ngo ayangelat nou meanan. Ngo titithatso yange nungtithatso jümongyang piakü iula; naiuso ngo nungti sangaulu shisungh:

⁴“APAOU, ngo tilektso aa nou kih-e? Ngo tilai eane? Jü aa lai thonane nung ngü hau achite.”

⁵Ni jü aa nung titi letkü shan! jü aakihlaiu tao akhako to titso tsüde. Atsüoting khaiunia pungkü aa nung ahsheih khekkü noin,

⁶ahkhemsoh tsak khekkülu noin. Apaüh chhisiyatsün chikü nung yaang; apaüh chaiou jengtsaiu lokamji, lüko nung sauüh the-e tsünge.

⁷Nungaito, ngo ti thaiuthako ayang taiu-e, APAOU? Ngo jü ayang ni da taim.

⁸Jü angei chikü ainou ngo akipsan, naiuso mainga nouso hau ngü tü lanyailut-i.

⁹Ngo nyankü ngio tsaktso tsüngiokü noiane, tititenai ngü nungli omhe-itsün nou ni phe.

¹⁰Ngü hau loto angja lakiushi! Ni angja kiutsün nou ngü eanauli noin.

¹¹Ni khaiunia tsak ta apa angei thaiutha angjakiukü thutji, tsokche tsak khekkü apaüh tsüojintsün ni lotheanji. Atsüoting khaiunia tsak aa nung ilo tsak khekkülu noin!

¹²APAOU, jü misao anglu! naiuso ngü wetsün tü anglu; ngü shapnai ni ashi halou. Jü paosiposolilu atao letletkü thaiutha ngo amesan noin.

¹³Ngo nung ainou mokhuwankün lektso, Ngo amongling intso lüko epau ni ngü pemsa awanan.