Read Khiamniungan Naga Nianlom Jih 41 Bible Online

Nianlom Jih 41 - Khiamniungan Naga bible

Nianlom Jih 41

¹Sauhaiüh angja omhe nouso thaiutha yangkiuji ngüso thaiumei: tilai ngüso angja-e APAOU nou ngüso hachu-e.

²APAOU nou ngüso kiplo-e naiuso ngüso aakih saiusan-e; apaüh ngüso goumchi nai monglingkü taiu-e; ngüso ehoi oukong nai apaüh ngüso tsüleane.

³Tilai ngüso kia-e APAOU nou ngüso hachu-e, naiuso ngüso akia lomei-e.

⁴Ngü ngiom, “APAOU, ngü ni thako angei sunlo-iu, ngo tü atsüojinyang anoi, naiuso jü akia alomeikiu.”

⁵Jü ehsoüh jü thaiutha tsaokü ngioji. Ngüsoüh ngo eanküta beankü khu-iao mongchioji.

⁶Sauhai ngo tü thapau shiji ngüso mong saitha tsüde; ngüsoüh jü thako ngiongem tsümeikün kamsanloji. Naiuso khukü nung alumai chiteji.

⁷Sauhai ngo lon chinyanji ngüso chikü jü thaiutha tsak si tsak sangkao-ekü chiteji, ngüsoüh jü thaiutha atsaoting noulu yangkiuji.

⁸Ngüsoüh ngioji, “Akiathe nou apa kiakü noin; apa then ainou tilaitso tsüchushi-e.”

⁹Ngü amonglam taiutsün jü haimeiting, ngüko thaisam shio-ekü hetsün nou lüko, jü thako phoklekü khuwaniu.

¹⁰APAOU, ngo tü atsüojinyang anoi, naiuso jüpem alomeishi, naiuso ngü jü ehso tü thamanshi-e.

¹¹Ngüsoüh jü khengai tsüshiolo-e, naiuso ngü ni ngoko mongtsamkü noin ta ngesan-e.

¹²Ni ngo hachu-e, tiautenai ngü ti ayamtha noin nung chhisiyaji; naiuso athontsüyangkü ni ngo adongko taiu-e.

¹³Israelhai Goa, APAOU lülomsan! Lo naiuso athontsüyang apa lülomsan! Amen! Amen!