Read Khiamniungan Naga Nianlom Jih 44 Bible Online

Nianlom Jih 44 - Khiamniungan Naga bible

Nianlom Jih 44

¹Peh nai ni paosipohai vetaoko chhisiya asong chhitsün thaiutha sam hau chitekü noin, naiuso samüh sam noukhanüh nung lulakü noiküla O APAOU:

²ni apimüh paisilung amtsün mele nouso koman- küta ngüso goh ai akhaiuniaso thomthiom; ni amao mele nouso hau angja kiu naiuso akhaiuniaso shingkü khuao shan.

³Akhaiuniasoüh nung goumchi ngüso sahsingioüh tsüshiolou; ngüsoüh nung ngüso pem oukong tsangkü tsüshiolou; nung ni nou akong naiuso oukong tsangkü noiküla, ni ngüso tü tsüojinkü, ni hatsün mitha tsangkü noiküla.

⁴Ni jü nokpao naiuso jü Goa; ni akhaiuniaso hau ashioloutsün kiuji,

⁵naiuso aoukong tsangkü samüh sam ehso shiohe.

⁶Ngo ngü kipsanau jü sah tsüdekünai jü uokop pai da amonglam tsütaiuji;

⁷lüko ni sam ehso ainou sam kipsaniu naiuso sam da chinyantsünso shiolo-iu.

⁸Samüh ni asaita lomsane naiuso ni hau athontsüyangkü nianlom kiu-e.

⁹Lüko lo ni sam wanan küta sam shioheanin; ni loto sam süpaihoiso ko tsükhuhashi.

¹⁰Sam ehso ainou ni sam khulükhuni; naiuso samüh nou ti noiküla nung ngüso thaiutha hau lowaniu.

¹¹Ni sam onnemok hoi khekkü chaoatan-in; ni sam gohmao goumchi nai pengkü khuwan-in.

¹²Ngüso amai intso noilüko ni akhaiuniaso amai thsaothsaokü he janhean.

¹³Ni sam da chhitsün nung sam phaosiposoüh epji, naiuso ngüsoüh sam tü lochiji naiuso sam tü nyailutji.

¹⁴Mele nouso ongko ni sam tsümeikün alat-heau shankium; sam lochikü ngüso khaiu ngamthiokü satsatji.

¹⁵Ngo chinyantsünso naiuso jü ehso alochi lotsao lulatsün ainou

¹⁶ngo asaita amiam nai noin ngo amiam nou loijeikü noin.

¹⁷Samüh ni beankü tsünoi lüko tsüdekünai ni sam ko athalou-e shantsün tsülothe lüko, nung chikü sam da thawaokü noin.

¹⁸Sam niko mong tsüsaithakü tsünoi; samüh ni nou athoilut nouso angio tsüangkü tsünoi.

¹⁹Nungti lüko ni sam liu thainian ongai ayang tsünoikü lean; ni sam anyakhem athsüoting nai wanan.

²⁰Samüh sam Goa amtsün laowankü gohmao goa tsak da misaokü noi naito,

²¹ni nung atsüoting epsanankü noi-e, tiautenai sam akau mongyang ni ngeji.

²²Lüko sam atao chikü nai loattsün nung naiuso sam aloatau noitsün onnemok khekkü kankeitsün nung ni shioko noin.

²³Achu, APAOU! ni tiauta saikü noin? Atsalou! Asaichi thaiutha sam lawanan!

²⁴Sam ainou ni tiau pamkü noian? Sam angja omhetsün labean!

²⁵Sam goh ai salikü nyomaniu; sam shioheanikü pukhao nai loiankü noin.

²⁶Sam hachuau ashi! Ni nou atsüojinyang nou sam akipsan!