Read Khiamniungan Naga Nianlom Jih 46 Bible Online

Nianlom Jih 46 - Khiamniungan Naga bible

Nianlom Jih 46

¹Angja taoko hachuau Goa sam khuluttsün naiuso oukong, asaita khemlokü noin.

²Nungtiphe goumchi saiusaiu lüko naiuso king nouso khiamnok aauting nai sathiowan lüko;

³sheasong nouso ngaokü mongmat sung lüko, naiuso thsoi nouso thoi-etsün tsangkü haiukei lüko, samüh tsühate.

⁴Thatü Atsokting asio nou tsam, Goa ün noknio dongai amongling kankü shitsün haiu tsak noin.

⁵Goa nou nung noknio nai noin, naiuso nung tilaitso tsülothe-e; ahshiochan peda apa nung haloau shi-e.

⁶Mele nouso mongmat sungji, nokshing nouso saiusaiuji; Goa ahmokji, naiuso goumchi nou khiamkü khuwanji.

⁷APAOU Apemshiotsün samko noin; Yakob Goa sam khuluttsün.

⁸Ashi naiuso APAOU nou ti chhin nung tü athap. Apaüh goumchi nai tilüsong athanga chhin athaplu.

⁹Apaüh goumchi apem ai ehli lolaoji; apaüh uokoppai nouso longekji, lai nouso lotheanji, naiuso shikhao nouso in nai jahwanji.

¹⁰“Ehlitsün alao,” ta apaüh ngioji, “küta mele ongko atsokting, goumchi athum khako atsokting, Ngo Goa ta lüngela.”

¹¹APAOU Akongting samko noin; Yakob Goa sam khuluttsün.