Read Khiamniungan Naga Nianlom Jih 48 Bible Online

Nianlom Jih 48 - Khiamniungan Naga bible

Nianlom Jih 48

¹Sam Goa noknio nai, apa asio king nai, APAOU asong, thatü tsokkü lomsanau noin.

²Zion, Goa ün king, nung atsok naiuso aleng amei; nokpao asong ün noknio nungüh goumchi chikü dongai amongling kankü shiji.

³Nung noknio pemongai apa ko aalo noin ta Goa nou haniu.

⁴Nokpao nouso aikü nung Zion King nou tü pha poau kamshin.

⁵Lüko tilai ngüsoüh nung ep, nungai ngüso ngawan; ngüso hatatkü jingkü khuwan.

⁶Nungko ngüso nyiuhai tsak methso chet taoko thatü hatkü omhetsün khekkü,

⁷naiuso khiamthe tsak ko kheng tsak thatü ahat nai thoikeitsün khekkü noiküla.

⁸Goa nou ti chhikü noin nung samüh lula-iu, naiuso lo APAOU, Apemshiotsün, sam Goa noknio nai samüh epiu; apaüh nung noknio athontsüyangkü kipsankü taiu-e.

⁹Ni nou Amkham Tsam mongai, O Goa, samüh ni nou atsüojinyang thaiutha yangluji.

¹⁰Khaiuniahoi nou alumai ni lomsanji, naiuso aniansong goumchi chikü khako noin. Ni ngiotsüo nou nok-shingji.

¹¹Zion ün khaiuniahoi lümongling-i! Ni mikhem nouso thakü kiuji; Yihuda hai noknio nouso nai amongling lünoi-i!

¹²Goa ün khaiuniaso, Zion lemkü tsakeikü ta tsamthong nouso tü lüwelu;

¹³dioai nouso tü meikü lüthap, naiuso lüngtsam nouso tü lüthelu, nungti nungthan vetao hau asamüh chiteau shio-e:

¹⁴“Nung Goa athontsüyangkün sam Goa noin; ashiao atao chikü nouko apaüh sam yam nia-e.”