Read Khiamniungan Naga Nianlom Jih 51 Bible Online

Nianlom Jih 51 - Khiamniungan Naga bible

Nianlom Jih 51

¹O Goa, ni atsüojin oukong tsangkü ngo da atsüojinyang anoi. Ni nou atsüojinyang apia nou likü jü angei atsomankiu.

²Jü aphio nouso chikü atsaowankiu naiuso jü angei ainou siokü a-iulakiu!

³Jü aphio nouso ngü ngesanji; jü angei nouso ngü asaichi yangsanji.

⁴Ngü athako- ni thakolu-angei suniu naiuso ni ti tsümei ta wesanji nung chhianiu. Nungtiphe ngo da mi khemau ni thakü noin; Ngo hao aphio wankiutsün nai ni penkü noin.

⁵Ngo achet taoko ainou tsümeikü noiküla; Ngo thai mongai kihyaloutsün tao aita ngo angei noiküla.

⁶Mongkiutsün naiuso ngiotsüo nou ni aiuji; jü mongyang amongthat nou meanji.

⁷Jü angei alowankiu, naiuso ngo yanthsüokü noi-e; ngo atsaowan, naiuso ngo nyin tü thaiukü iula-e.

⁸Ngo hau amongling naiuso amonglingattsün sangh alula-i; ni ngo thanyomkü naiuso lopekkü wan lüko, ngo loühjam monglingkü noishi-e.

⁹Jü angei nouso ainou aniovei amaiushian naiuso jü angei chikü atsaowankiu.

¹⁰O Goa, ngo hao mongpem asangling tsak ashankiu, naiuso ngo da atsüoting onthso ayan tsak athiokiu.

¹¹Akhako ainou ngo lawanan; naiuso ni nou asio onthso ngo ainou kankü lakhuwan.

¹²Ni akipsantsün shitsün amongling ngo hau akiu naiuso angio angau ngo mongchiokü ashankiu.

¹³Nungai ngü ni thoiluttsünso angeihoi hau tsande-e, naiuso ngüso adongai laokü shi-e.

¹⁴O Goa, jü aa nou apoikiu, naiuso ngo akipsan, naiuso ngü ni asio nou mongchiokü pungpenge.

¹⁵APAOU, ngü chiteau ngo ahachu, naiuso ngo ni lomsane.

¹⁶Ngü chaithio kiu-ela, lüko ni nungso tsümongchio. Ajahtsün chaithio nouso ko ni tsümonglingji.

¹⁷O Goa, jü chaithio to atsamloutsün mongpem, mong lothekü phokletsün ni tsüwesanküto tsüwane.

¹⁸O Goa, Zion tü atsüojinyang anoi naiuso apa ahachu; Yirusalem pe nouso ashanshi.

¹⁹Nungai ni ayam thakü thiotsün chaithio nouso naiuso sam ajah chaithio nousoko ni mongtsame; naiuso ngüsoüh a-amthang nai jangtsopong nouso chaithio kiu-e.