Read Khiamniungan Naga Nianlom Jih 52 Bible Online

Nianlom Jih 52 - Khiamniungan Naga bible

Nianlom Jih 52

¹O asong khaiunia, chhisiya tsümeikün nai ni tiauta bülomji? Goa ün atsüojinyang athontsüyang.

²Ni amaohai lotheanaulu ayam yamji; alei khaiu-iulo amonting tsak khekkü noin. Ni asaichi yaang nou shisanji.

³Ni tsümeikü tübao amei chiai tekkü tsüojinji naiuso ngiotsüo chiai ngiotsüo tsüdekün ta tsüojinji.

⁴Ni atsüotsüdekün, ni angio nousoüh khaiunia tawaiau tsüojinji!

⁵Nungtiphe Goa nou ni asaichi thaiutha lotheane; apaüh ni thalouwan küta atsam ainou kanlükhunane, naiuso nung aakihtsün goumchi ainou apaüh ni wanane.

⁶Asio khaiuniahoi nou nung eppe naiuso hate; nungai ngüsoüh ni lun nyaikü ngio-e.

⁷“Athaplu, Goa da aalo thaiutha amonglam tsütaiutsün khaiunia tsak nungko noin, tiautenai Goa liko apaüh meshen jengtsaiu apia chiai naiuso akausai nou tsülaokü aalo thaiutha yamji.”

⁸Lüko ngo APAOU tsamai samsantsün Olip-pai tsak khekkü noin; Ngo apa atsüojin oukong da asaita monglamji.

⁹Ngü asaita ni hau nianlom kiu-e, Goa, tiautenai nung chhisiyakü noin; akhaiuniaso khako ni amei noin ta ngü wepenge.