Read Khiamniungan Naga Nianlom Jih 53 Bible Online

Nianlom Jih 53 - Khiamniungan Naga bible

Nianlom Jih 53

¹Aiuhaiüh meshen mongai ngioji, “Goa tsünoi.” Ngüso chikü lotheankü noin, naiuso ngüsoüh achinyan chhi nouso chhisaniu; ayam thakü chhitsün tsaktso tsünoi.

²Angelatsün naiuso Goa yamtsün ajantso noi süne tsünoita thapau, APAOU nou khaiuniathso nouso tü aün ainou thapiji.

³Lüko ngüso chikü phoklekü khuwan; ngüso chikü wekü tsüsiokü iula-iu. Ayam thakü chhitsün ngüso tsaktso tsünoi, ah, tsaktso tsünoi.

⁴“Ngüsoüh tsünge süne?” ta Goa nou sangji. “Nungso tsümei chhisiyatsünso chikü angela tsünoi süne? Jü khaiuniaso kaulotsün tsangkü ngüso kihji, naiuso ngüsoüh ngo tü tilaitso misao tsüsao.”

⁵Nungti lüko nung khako ngüso tü tilaitso tsüthawaotekünli ngüso lekkate, tititenai Goa nou apa khaiuniaso ko tsaotsün ou nouso pengkü khu-i-e. Goa nou ngüso wananiu; nungtiphe Israel haiüh ngüso moisemkü shiolowane.

⁶Israel dongai Zion ainou ashiolotsün shiaoya ta ngü misaoji. Tilai APAOU nou ngüso loühjam tsüomeikü shanshi-e, nungai Israel khaiuniaso titi amongling noi-e!