Read Khiamniungan Naga Nianlom Jih 58 Bible Online

Nianlom Jih 58 - Khiamniungan Naga bible

Nianlom Jih 58

¹Asam nokshing nouso ngiotsüo mikhem tsak kiukü noimo? Asamüh phaphi phamong tsüyangkü mi khemkü noimo?

²Tsüde! Asamüh shiotsün tsümeikün chhisiyalu asamüh yangji naiuso goumchi nai shelopengkü mi lemji.

³Tsümeikün khaiuniahoi ngüso aakih chikü tsümeikün yamai khuji; ngüso achet ajekhaiu nai yalo nou yaang ngio jije chiteji.

⁴Ngüso pao nouso khekkü aliule nou miankü noin, ngüso noukhan nou lulatsün laowankü anoukek paoyan tsak khekkü noin.

⁵Apaüh pao lo aiulotsün ngem nou tsülülaji, tsüdekünai akausai poipoi ngem nou tsülusanji.

⁶O Goa, nungso chongkhao ajeting nouso hou lülothean.

⁷Ngüso khiam aplüshikü tsüepshikü khuwantsün khekkü anoi-i; ngüso yamkhengko chiai ngamnyomantsün khekkü anoi-i.

⁸Ngüso mong khao nouso temchei nai nyomantsünli; ngüso awon tilaitso tsüephakü methso amia chettsün tsak khekkü lüthe-i.

⁹Ngüsoüh mongelakün khako, ngüso chi-ai nouso khekkü hehonganji; ngüso aa noikünai apa amongmat sung nouko Goa nou ngüso ahsheih nouli shipkü kankü khuwane.

¹⁰Tilai ngüsoüh angeihoi ta thamshitsün epji, asiohoi nou monglenge; akausaihoi shelopengtaiutsün nai ngüso hok ngamthiokü tsakei-e.

¹¹Khaiuniahoi nou ngio-e, “Atsüoting asio nouso thaiutha paopei noin; atsüoting goumchi mi khemtsün Goa nou noin.”