Read Khiamniungan Naga Nianlom Jih 59 Bible Online

Nianlom Jih 59 - Khiamniungan Naga bible

Nianlom Jih 59

¹Jü Goa, jü ehso ainou ngü akipsan; sauhai ngü thako tsaji ngüso ainou ngü asolo!

²Tsümeikün khaiuniahoi ainou ngü akipsan; she loshitsünso ainou ngü akipsan!

³Athaplu! Ngüsoüh ngü loatau taiuji; khaiunia tsümeikünso ngü thako kamshiji. Nung ngo tsüthakü si angei chhitaiutsün shioko tsüde,

⁴tsüdekünai ngü tso aphio shioko tsüdekü ngüso khaolaokü khemloji, O APAOU.

⁵Atsalou, Akongting APAOU Goa, naiuso ngü haloau ashi; Israel Goa da tsümonglamkünso ta sailuao atsalou! Phokle laple nouso hau atsüojinyang lahan!

⁶Ngüso ahsham laokü shiji, ngüsoüh ji khekkü chatkü noknio lemkü tsakeiji.

⁷Ngüso kausai naiuso alochi lotsao nouso ta anglu. Ngüso son ai ngüso lei nouso sah khekkü noin, lüko sauühtso ngüso tsülulaji ta ngüsoüh yangji.

⁸Lüko APAOU, ni ngüso tü nyai-e; ni tü tsümonglamkünso tü ni lotsaoji.

⁹A-oukong nai ngo amonglam noin; O Goa, ni jü asolotsün noin.

¹⁰Jü Goaüh ngü tsüojinji naiuso jüdongai shi-e; jü ehso shioheankü apaüh ngü hau epi-e.

¹¹Ngüso laloat, O Goa, tsüdekünaito jükhaiuniaüh beane. Aoukong tsangkü ngüso pengkü akhu-i naiuso ngüso ashiolowani, O APAOU, sam kiplotsün.

¹²Angei nou ngüso sonkou ai noin; ngüso ngioyak chikü angei jije; abülom nai ngüso athalouwani! Tiautenai ngüsoüh athesanji naiuso yaang ngio chiteji,

¹³ni amongmat nai ngüso alomowan; ngüso moishemkü alomowan. Nungai Goa nou Israel nai nokshingji, naiuso apa nokshing goumchi chikü ai khuji ta khaiunia pungkü nou nge-e.

¹⁴Jü ehso ahsham laokü shiji ngüsoüh ji khekkü chatkü noknio lemkü tsakeiji,

¹⁵ji nouso khekkü eheshiu thaiutha tsakeiji, naiuso eheau tsüepkü naito ngüso ngaokeiji.

¹⁶Lüko ngo a-oukong thaiutha jih jih-e; ni nou atsüojinyang thaiutha ahom pungkü sangh asong nou jih jih-e. Angja taoko jü thaiutha ni asolotsün naiuso akhuluttsün tsak noikü shin.

¹⁷Ngo ni lomsane, jü asolotsün, Goa sau ngü da tsüojintsün, nung Goa jü asolotsün noin.