Read Khiamniungan Naga Nianlom Jih 6 Bible Online

Nianlom Jih 6 - Khiamniungan Naga bible

Nianlom Jih 6

¹APAOU, ni ngü tü lamongmat naiuso lathut! Tsüdekünai ni mongmatnai ngü hau angja lakiu!

²Jü kei thonaniu, O APAOU; ngü tü atsüojinyang anoi! Ngü hau oukong akiu; tiautenai jü oukong tongtü khemaniu

³naiuso jüpem athum thatü thsüokü angjaji. O APAOU, ni ngü hachuau tilektso taiukü noi-e?

⁴Ashi O APAOU, jü aa akipsan; ni atsüojinyang nou ee ainou ngü akipsan.

⁵Eantsün goumchi naito ni yangsantsün tsünoi; nungh goumchi nai ni lomsanau tsüshio.

⁶Ngo amongsaiu nou keithonji; Sotsü tsütokü jüthen jü niochekhiamüh paithsaokü noiji; jü khaiukham niochekhiam nou penkü noiji.

⁷Ngo jeikü thapluau shioji; tiautenai jü ehso tsangkü shapitsün nou jü niovei nouso pumaniu.

⁸Asam tsümeikün khaiunia nouso, ngü ainou soikü anoi! Tiautenai APAOU nou ngü shaptsün lula-iu.

⁹Ngü ahachu thaiutha wetsün tü apaüh anglu-iu naiuso jü misao thala-e.

¹⁰Jü ehsoüh tsüshiotsün amiam ngüsoüh ngehe-e; naiuso alekta pülaikü noitsün taoko ngüso komane.