Read Khiamniungan Naga Nianlom Jih 60 Bible Online

Nianlom Jih 60 - Khiamniungan Naga bible

Nianlom Jih 60

¹Goa, ni sam wananiu naiuso sam shioheaniu; ni sam ko mongmatkü noiküla- lüko lo sam dongai laplokü ashi.

²Ni goh nou ngaongao-ikü noiküla, naiuso nung ni lopek; nung atawai nouso alomeishi, tiautenai nung penglükhunanji.

³Ni akhaiuniaso thsüokü omhe-i-iu; sam thengtuk haili tsakei-i-iu.

⁴Alothe ainou ngüso thakhulo-iau, ni hau asuhat kiutsünso lotsüokü noiküla.

⁵Ni tsüojintsün khaiunia nouso a-oukong tsangkü kipsanao thaiutha sam misao athala.

⁶Apa asiotsam ai noikü Goa nou ngiom, “Ashioloutsün asong nai ngo Shekem paipekke, naiuso Sukkot Tsamei jü khaiuniaso hau sonkiu-e.

⁷Gilead nung ngü nou, naiuso Manase lüko ngü nou; Efraim jü son kandio, naiuso Yihuda nung jü nokpao pailai.

⁸Lüko ngü Moab atsaowantsün chiu au kankei-i-e naiuso ngo Edom tü jühokkhut yaklute ngo nung thalouwaniu ta ii tsak hanau thaiutha noi-e. Filistia haiüh jü khako ashioloutsün sangh asong nou weao ayang noin süne?”

⁹Oh Goa, sauüh ngo akongting noknio nai nialokü khu-e? Sauüh ngü Edom ai nialokü khu-e?

¹⁰Ni sam atsüoting wananiu süne? Ni sam süpaisoko aikü tsükhuha-e süne?

¹¹Eh thako sam hau ahachu akiu; tiautenai khaiunia ahachu nung yaang noin.

¹²Goa samko hakü samüh ashio nou eppe; apaüh sam ehso shiolo-e.