Read Khiamniungan Naga Nianlom Jih 65 Bible Online

Nianlom Jih 65 - Khiamniungan Naga bible

Nianlom Jih 65

¹O Goa, sam thaiutha Zion nai ni lomsanau naiuso ni tü sam athalou nouso taiuau nung ayam noin,

²tiautenai ni sam misao thalaji. Ngüso angei thaiuthako khaiuniahoi apem ainou adongai shi-e.

³Sam aphio nousoüh sam shiolowanji, lüko ni nungso wankiuji.

⁴Ni nou asiothang nai kih-au sauhai ni nialokü shiji, Sauhai ni chosanji ngüso thaiumei. Ni nou asio Amkham Tsam nouso naiuso atsam jengtsaiu amei nouso ko sam mongtsame.

⁵Sam hau ashiokiutsün tsangkü ni sam tü thalaji naiuso sam kipsanau ni chhisiya athanga nouso chhiji Goumchi ko khaiunia chikü naiuso komaikü noitsün khiamnok yangkü nousoüh ni da monglamji.

⁶Ni nou akongting oukong tsangkü ni king nouso athang nai lingthakü taiu.

⁷Ni khiamnok ngem naiuso khiampek ngem nouso losangji; ni khaiuniahoi angemsingem lotsamji.

⁸Goumchi athum nai ni chhisiya asong chhitsünlon hatkü tsaji Ni chhitsün nou goh athon tsak ainou athon tsak saokü amongling sangh asong kankü shiji.

⁹Ni ah-ou hongtsün tsangkü goumchi thaiutha ni apaotsang hanji; ni nung thatü tsüomeikü iula-iji. Ni haiuthso nouso khiam nou mean-iji; goh nai chihsam khiamsam nouso samsaniji

¹⁰Nungti ni chhiji: Eiu khutpek taiu nai ah-ou saiukü hongji naiuso nungso ta khiam nou penji; ni goh nouso ah-ou nou loshekiuji naiuso chihsam khiamsam nouso samsaniji.

¹¹Ni amei nou be-eiuyam amei yamiji! Ni tilüsongai khuji nungai alum saiukü noin.

¹²Thsanyan nouso onhoi nou miankü noin. King nouso amongling nou miankü noin.

¹³Kingpun nouso onnemok hoi nou miankü noin; tsamei nouso wheattso nou miankü noin. Nungso apemüh amongling nou wekü jih jihji.