Read Khiamniungan Naga Nianlom Jih 7 Bible Online

Nianlom Jih 7 - Khiamniungan Naga bible

Nianlom Jih 7

¹O APAOU, jü Goa, asoloau thaiutha ngo adongai shiji; ngü tü komtsün chikü ainou ngü akipsan naiuso ahalou,

²tsüdekünaito chongkhao tsakühli ngüsoüh ngü sauüh kipsanau tsüshiokünai kankü khuwane, naiuso ngüsoüh ngü nelangkü chipekkü wane.

³O APAOU, jü Goa, ngo ajantso da phiokü noinaito, tsüdekünai ngo hai tsak sapthio-ikü noinaito tsüdekünai jü ehso ta ti koko ta tsüdekü tsümeikü chhikü noi naito — ngo nungso tso tsak lüko chhikü noi naito —

⁵nungaito jü ehso hau ngü ta kumkei-i küta ngü athalou-i, ngüso hau ngü hehongkü aloatan-i küta jümea goh ai alean!

⁶O APAOU, ni mongmat sungtsün nai atsalou! Jü ehso mongsongtsün thako atsalou; ni tsalouküta ngü ahachu! Ngiotsüo mikhem nung ni aiutsün noin,

⁷nungtiphe khaiunia chikü ni lemkü akamshi-i; küta khütha ai noikü ngüso khako ni nok lüshing.

⁸Khaiuniale apem mikhemtsün ni noin. O APAOU, ngü tü hah-kü mikhem akiu; tiautenai ngo aphio tsünoi ta ni ngeji.

⁹Ni asio Goa noin naiuso sam mongyang si sam mongpem tü theluji. Tsümeikün khaiunia nouso akausai chhisiya alolaowan naiuso ameihoi nouso hau ou alokongkiu.

¹⁰Goa ngü kiulotsün noin; apa tü angio angtsünso apaüh kipsanji.

¹¹Goa asio mikhem kiutsün noin naiuso akausai nouso asaita wananji.

¹²Ngüsoüh ngüso yam tsüli-eshikü naito, Goa nou apa sahlaiu shimone. Apaüh apa Uokoppai kenshiji naiuso akopau khemloji;

¹³apaüh ahatau lümeikün dun nouso lokloji naiuso innyaitsün chon nousoüh kopau thatloji.

¹⁴Athaplu akausai khaiunia nou titi tsümeikü chhiau donji; ngüsoüh angem losanau thatloji naiuso asapthiotsün chhi nou chhiji.

¹⁵Lüko ngüsoüh amaohai thaiutha jintaiutsün nai, ngüso pem chija monnanji.

¹⁶Nungtiphe ngüso tsümeikün noulu ngüso angjaji naiuso ngüso tsümei chhisiya noulu ngüso tawaiji.

¹⁷Ngo APAOU hau apa ngiotsüo mikhem thaiutha nianlomji, Akhengting APAOU tü ngo nianlom jih jihji.