Read Khiamniungan Naga Nianlom Jih 74 Bible Online

Nianlom Jih 74 - Khiamniungan Naga bible

Nianlom Jih 74

¹O Goa, ni sam nungli tiauta lean? Ni akhaiuniaso ko asaita mongmatkü noi-e süne?

²Atao laiukü nai ni meshen thaiutha chosantsün akhaiuniaso lüyangsan, sauhai ni sua aküo ainou amele theau niasan. Ni jam noikü shitsün Zion King lüyangsan.

³Sam ehsoüh Amkham Tsam nai alum thumkü lotheankü noitsün nai ni ashi.

⁴Ni nou ehsoüh ni nou Amkham Tsam nai ashioloutsün sangh nou weji; ngüsoüh shioloutsün ii hankü nehan shiosaniu.

⁵Athapau khaiuniahoi nou ngüso ou üh pai nouso sahongtsün khekkü noin.

⁶Ngüso Ou naiuso sonkhiang potsün senkhaiuhop nousoüh khiupun nouso chikü lonyoman.

⁷Ni nou Amkham Tsam ta ngüsoüh in nou jeklut; ni amkhamtsün athang ngüsoüh lochinyanan.

⁸Ngüsoüh sam moisemkü lothekü wanau mongchiokü noiküla; goumchi nai asiothang apem ngüsoüh jekthiowan.

⁹Sam ün asio amkham jengtsaiu nouso chikü mowaniu; nungko e-pohoi tsaktso tsüpoishi,

¹⁰O Goa, sam ehso tilektso nitü nyailute? ngüsoüh anian asaita thaiutha lochi-e süne?

¹¹Tiauta ni sam tü tsühachuji? Ni aphaso aphiai tiauta taiuwan?

¹²Lüko ayating ainou ni sam nokpao noikü shin, O Goa; ni sam piaküjam kipsankü shin.

¹³A-oukong asong nou khiamnok nou janthat naiuso khiamnok nai noitsün ahatau lümeikün thainian nouso khaiu lopek.

¹⁴Ni Liviathan thainian khaiu nouso lopekkü wan küta apa nyih singtso goh thainian nouso hau wao.

¹⁵Ni haiutso nouso naiuso haiuchetngan nouso shan; ni haiu asong nouso apan-i.

¹⁶Ni anyih naiuso asoh nou shan; ni aje naiuso alei nou ngüso athang nai taiukiu;

¹⁷Ni goumchi elung nouso shan; ah-uo ah-saiu nouso ni shan.

¹⁸Lüko, O APAOU, a-ehsoüh ni ta nyailuttsün lüyangsan, ngüso goa tsühatkünsoüh ni lochilotsao-iu.

¹⁹Ahaluao tsünoikün akhaiuniaso ngüso atsaoting ehoi hau lalekiuwan; jeiatkü noitsün akhaiuniaso labean.

²⁰Samko ni athalou-e shantsün lüyangsan goumchi anyakhem aniokun pungkü nai angemsingem noin.

²¹Thangmangkü noitsünso amiam nai lawan; angja naiuso pokü noitsün khaiuniahoi hau ni lülomsani.

²²Atsalou, Goa, naiuso athaiutha achite! Goa tsühakün khaiuniahoi nousoüh nitü ajekhaiu thathonkü nyailutji nung lüyangsan.

²³A ehsoüh mongmatkü wetsün naiuso niko asaichi tsaotsünso ngem labean.