Read Khiamniungan Naga Nianlom Jih 75 Bible Online

Nianlom Jih 75 - Khiamniungan Naga bible

Nianlom Jih 75

¹O Goa, samüh nihau nianlom kiuji, samüh nihau nianlom kiuji! Samüh ni titi asong noin nung wepengji naiuso ni athanga chhisiya chhitaiutsün thaiutha chiteji.

²“Ngo mikhem thaiutha atao tsak thatkü taim” ta APAOU nou ngioji, “naiuso ngo phaphiphamong tsüyangkü mikheme.

³Aa noitsün chikü ngaongao lüko naiuso gohpem nou haiuhaiu lüko, Ngo athanya nouso mongkü taiu-e.

⁴Ngo tsümeikünso ta mongmat süngkü lathe ta;

⁵naiuso ngüso bülomtsün ainou laoloau ngioji.”

⁶Mikhem nouto ajepek tsüdekünai ajenap ainou tsüshiji, tsüdekünai ajepekki si ajenapki ainou tsüshiji,

⁷ajantso apen epau si tsüepau nung mikhem nou Goa noin.

⁸Apa amongmat akongting theng nou meankü noitsün thengkam APAOU nou apa phanai semkü noin. Apaüh nung hongji, naiuso tsümeikünsoüh nung shiuji; ngüsoüh nung aphiteng mem saokü shiuji.

⁹Lüko ngo Yakob Goa thaiutha chitetsün tilaitso tsülao-e tsüdekünai apa alomsan jih hangtsün tsülao-e.

¹⁰Tsümeikünso oukong apaüh lomowane, lüko asiohoi oukong to shinge.