Read Khiamniungan Naga Nianlom Jih 79 Bible Online

Nianlom Jih 79 - Khiamniungan Naga bible

Nianlom Jih 79

¹O Goa, ni tsüngekünsoüh agoumchi komhe-iu. Ni nou asio Amkham Tsam ngüsoüh lochinyaniu naiuso ngüsoüh Yirusalem lothekü wanan.

²Ngüsoüh akhaiuniaso mia miahe letchehoi hau, naiuso ni yathsüotsünso mia liu thainian nousoüh heau taiukiu waniu;

³Ngüsoüh akhaiuniaso she khiam khekkü lopeng-iu; nung she Yirusalem thalemkü khiamli tsangkü noiküla, naiuso eantsünso khananao khaiunia tsaktso tsüpoishi.

⁴Chenpa mele nousoüh sam lochiji; ngüso samtü nyailutji naiuso lotsaoji.

⁵APAOU, ni samtü athontsüyangkü mongmate süne? In tsülaokü nyaitsün khekkü ni mongmate süne?

⁶Ni amongmattsün ni tsü-amkhamtsün mele nouso naiuso nitü misao tsüsaokün khaiuniahoi dongai aphokle.

⁷Tititenai ngüsoüh akhaiuniaso loatiu; ngüsoüh agoumchi lotheaniu.

⁸Sam paosiposo angei thaiutha sam hau angja lakiu. Lo sam khako atsüojinyang anoi; tiautenai sam ayang chikü mowaniu.

⁹O Goa, sam ahachu, naiuso sam akipsan; ni nou asuhat noitsün shioko sam akiplo naiuso sam angei nouso awankiu.

¹⁰Tiauta mele nouso hau, “A Goa tiai noin?” ta sam tü sangi-e? Ni yathsüotsünso she lopengtsün thaiutha mele nouso angja kiutsün sam hau a-epi.

¹¹Akhothio nai noinso ngettsün tü anglu, sauhai eanau wanankü noin ngüso a-oukong asong tsangkü akipsan.

¹²APAOU, amao mele nousoüh nitü lochi lotsaokü oluttsün chikü thaiuthako chinyatjam ngoikü athamshi.

¹³Nungaito, sam akhaiuniaso, a-onnemok hoi nou, anian athontsüyangkü lome naiuso ashiau noitsün atao chikü nouko ni lomsane.