Read Khiamniungan Naga Nianlom Jih 83 Bible Online

Nianlom Jih 83 - Khiamniungan Naga bible

Nianlom Jih 83

¹O Goa, ni nyankü lanoian; tsamkü lanoian, tsünsingiokü lanoian!

²Athaplu! Ni nou ehoiso akhengshi nai noin, naiuso ni chinyantsünsoüh khengshiji.

³Ngüsoüh akhaiuniaso thako akau mongthat shanji; ni kiploutsünso thako ngüsoüh khengshiji.

⁴Ngüsoüh ngioji, “Ashi,” “samüh ngüso mele lomowanko, nungaito Israel nung asaita thaiutha tsüyangsan shikü beane.”

⁵Ngüso mongthat nai ngüsoüh mongchio naiuso ni thako ngüsoüh athsane tsak shaniu:

⁶Nung khaiuniahoi nouso: Edom hai naiuso Ismael hai, Moab hai, naiuso Hagar hai;

⁷Gebal hai, Ammon hai, naiuso Amalek hai, Philistia hai naiuso Tair hai noiküla.

⁸Lot thsaosithsoso, Moab naiuso Ammon hai ko Asiria hai athsane akongting tsak halutkü noiküla.

⁹Ni Midian hai tü ti chhin nung ngüso tü lüchhi, naiuso Kishon Haiu nai Sisera naiuso Jabin ne tü chhitsünli lüchhi.

¹⁰Ni ngüso Endor nai shioloum, naiuso ngüso mia khengtaiu nai choithio.

¹¹Ni Oreb naiuso Zeeb tü ti chhikü noiküla nung ngüso ahei nouso tü lüchhi; ni Zeb naiuso Zalmuna tü chhitsünli ngüso nokpao nouso chikü lüshiolowan.

¹²Ngüsoüh ngiom, “Goa ün nou samüh tengkhaiu goumchi hau theau lou-e.”

¹³O Goa, pukhao khekkü, naiuso ahsheih nou shipkü khutsün tsokap khekkü ngüso pengkü akhu-i.

¹⁴In nou liutsa chetheantsünli, king nouso tü in nyaitsünli,

¹⁵ni nou ah-ou-ahsheih nou ngüso laiukü nai akoman naiuso ni nou ahsheih atsaoting nou ngüso lülohat.

¹⁶O APAOU, ngüso hau a-oukong tsangshei-iau, ngüso kha amiam nou amian-i.

¹⁷Ngüso tsüshiokünai naiuso asaita alekkat nai anoi-i; ngüso miamatkü lü ean-i.

¹⁸Ngüso hau nilu APAOU noin, naiuso goumchi chikü khako atsokteng nokpao ta lüngela-i.