Read Khiamniungan Naga Nianlom Jih 85 Bible Online

Nianlom Jih 85 - Khiamniungan Naga bible

Nianlom Jih 85

¹APAOU, agoumchi ta ni atsüojinyang noikü shi-iu; ni Israel müjam tsüomeikü shaniu.

²Akhaiuniaso angei ni wankiu-iu naiuso ngüsoüh phiotsün apem wankiu-iu.

³Ni ngüsoko mongmattsün laolo-iu naiuso ni amongmat asong sungtsün ainou laolo-iu.

⁴O Goa, sam kipsantsün, sam laokü kankü ashishi, naiuso samko tsümonglengkü noitsün alaolo!.

⁵Ni samko asaita mongmate süne? Ni mongmattsün laitso tsülao-e süne?

⁶Sam loühjam kongkü ashanshi, naiuso sam, akhaiuniasoüh ni lomsane.

⁷O APAOU, samhau atsüojin asong ahan, naiuso ni nou akipsan sam hau akiu.

⁸APAOU Goa nou ti ngioji, ngo nung angluji; sam tsümeikün yamai laokü tsükhushikü naito, apaüh meshen khaiuniahoi tü aalo nou thalouji.

⁹Atsüoteng sauhai apa lon hatji apaüh ngüso kipsane, naiuso apa akipsan oukong sam goumchi nai noi-e.

¹⁰Atsüojin naiuso amongkiutsün ne waowe-e; asio naiuso nokmei nou ne cheppe-e.

¹¹Khaiunia amonglam nou goh ai noikü thapsane, naiuso Goa asio nou aün ainou thapi-e.

¹²APAOU nou sam tsüomeikü shankiu-e, naiuso sam goumchiüh be-eiuyam tsüomeikü yamhe-e.

¹³APAOU khako asio nou khu-e küta apa tsakeiau thaiutha yam khemtaiu-e.