Read Khiamniungan Naga Nianlom Jih 86 Bible Online

Nianlom Jih 86 - Khiamniungan Naga bible

Nianlom Jih 86

¹APAOU, ngütü anglu, naiuso athala, tititenai ngo angja naiuso tsosilu.

²Eantsün ainou ngü akipsan, tiautenai jümong ni dalu noin; ngo ni yathsüotsün noin naiuso nida ngo amonglam taium, ngü akipsan.

³Ni jü Goa noin, nungti ngü tü atsüojinyang anoi; tiautenai ajekhaiu thathonkü ngo ni da misaoji.

⁴Ni yathsüotsün amonglengi, O APAOU, tiautenai jü misao nouso adongai sungji.

⁵Ni samko meikü noin naiuso wankiuji, nitü jontsünso chikü thaiutha atsüojin nou miankü noin.

⁶APAOU, jü misao anglu; ahachu thaiutha ngü wetsün alula.

⁷Angja taoko nai ngo ni jonji, tiautenai ni jü misao thalaji.

⁸Ni khekkü Goa tsaktso tsünoi, O APAOU, ni chhisiyatsün khekkü chhitsün tsaktso tsünoi.

⁹Ni shantaiutsün mele chikü nou shikü akhako kaothio-e; ngüsoüh, ni asongtsün lomsane.

¹⁰Ni da oukong noin naiuso athanga chhisiya chhiji, nilu Goa noin.

¹¹APAOU, ngü hau ti chhi-iao mongchioji, ngü hau atsande, naiuso ngo angio mongkiukü ang-e; thumkü ni yathsüoau ngü hau atsande.

¹²O APAOU jü Goa, jümong athum nou ngo ni lomsane; Ngo ni songtsün thaiutha athontsüyangkü wepenge.

¹³Jü thaiutha ni atsüojin titi asong noin! Tiautenai ni ngo etam ainou kipsan.

¹⁴O Goa, abülom khaiuniahoi nou jü thako tsalouji; tsümeikünhoi nou ngü loatau koweji, nung khaiuniahoi nou ni da mongkiuji.

¹⁵Lüko ni, O APAOU, atsüojinyang naiuso amaitsüyangkü tsüojintsün Goa noin, amongmatau yamlukü, asaita atsüojinyang kiutsün naiuso mongkiutsün noin.

¹⁶Jü dongai aphokle naiuso ngü da atsüojinyang anoi; ngü ou alokong naiuso akipsan, tiautenai jünyiuüh yathsüokü shitsünli, ngo ni yathsüoji.

¹⁷APAOU, ni meitsün ngü hau mitha ahan; tilai ngü mongtsamitsün naiuso hachutsün eppe, sauhaiüh ngü chinyankü noin, ngüso miame.