Read Khiamniungan Naga Nianlom Jih 88 Bible Online

Nianlom Jih 88 - Khiamniungan Naga bible

Nianlom Jih 88

¹APAOU Goa, ngü kipsantsün, ngo nitü ajekhaiu thathonkü weji, naiuso asoh taoko ngo akhako shiji.

²Jü misao alula; ngü ahachu thaiutha wetsün tü anglu!

³Ngü da angja piakü thawaokü noin naiuso ngü eanau shimkü noin.

⁴Eanau noitsün hoi ongko ngo noin; jü oukong chikü nyomaniu.

⁵Eanhai ongko wananhakü, luatkü etam nai saikü noitsün khekkü sauhai ni thumkü be-ankü khuwaniu, ngüso tü ni haloau tsüshioshitsün khekkü noin.

⁶Etam akheiting anyakhem nai naiuso khan a-aoting nai ni ngo yakthiowaniu.

⁷Ni mongmattsün jü khako thatü lethsangkü noin, naiuso nung amongmat khiampek nou ngo limpokkü noin.

⁸Ni jü haiso hau ngü wankü khuwani-iu; ngüsoüh achinyanau tsak ngü iula-i. Ngo kiapjeikü noin naiuso thakhuloau tsüshio.

⁹Nung angja nou jü niovei outsükongkü noin. APAOU, ajekhaiu pungkü ngo ni tü jonji naiuso jüpha loksankü ni tü misaoji.

¹⁰Eankün thaiutha ni athanga ii shanji süne? Ngüso ahkü shiküta ni lomsane süne?

¹¹Etam nai ni nou atsüojin welutshi-e süne? tsüdekünai alotheantsün athang nai ni mongkiutsün thaiutha chite-e süne?

¹²Anyakhem athang nai ni nou athanga ii nouso eppe süne? tsüdekünai beankün goumchi nai ni meitsün yangsanshi-e süne?

¹³APAOU, ngo ni tü ahachu thaiutha weji; ahom tsütokü ngo ni tü misaoji.

¹⁴APAOU, ni ngo tiauta leanji? Ngo ainou ni tiauta phoklekü khuwanji?

¹⁵Ngo methso nai yakü omheji naiuso eantsün aküo shimkü shin; Ni angja kiutsün thsale nou ngo ouchanankü noin.

¹⁶Ni mongthe mongmat sungtsün nou ngo mianiu; alekkat au lümeikü potsün nou ngü lotheanji.

¹⁷Ajekhaiu thathonkü khiamthe nou khekkü ngo lemjeiji; nungsoüh ngü akhuao tsüshiokü kiapjeikü wan.

¹⁸Jü haimeiting nouso hau lüko ni ngü wanan-in, küta anyakhem noulu jü haimeiting noin.