Read Khiamniungan Naga Nianlom Jih 91 Bible Online

Nianlom Jih 91 - Khiamniungan Naga bible

Nianlom Jih 91

¹APAOU dongai asolu yamkü sau khuji, sau Apemshiotsün nou sokiutsün khemko noiji,

²apaüh apatü nungti ngioau shioji: “Ni jü akiploutsün naiuso hüjeikiutsün noin. Ni jü Goa, ni da ngo amonglam taiuji.”

³Tsü-epankün jin chikü ainou naiuso athsüoting akiasiya chikü ainou apaüh ni kipsankü taiu-e.

⁴Apa ekuküh ni sojei-e; apa apaotsang nouko ni kipsankü noi-e; apa mongkiutsün nou ni kiplo-e naiuso hüjeikiu-e.

⁵Ni asoh taoko atawai ahatau tsüdekünai anyi taoko lekkatkü uokopchon lon hattsün ti tsünoi-e,

⁶tsüdekünai asoh taoko imkia shitsün tsüdekünai anyih taoko loattsün tsümeikün thaiutha ti ahat tsünoi-e.

⁷Adongko heng ngoikü, ni lemkü heng che loikü eao shiom, lüko ni to tsütawai-e.

⁸Tsümeikünsoüh titi angja epji, nung anioveiüh thappe naiuso eppe.

⁹APAOU ni solotsün, Atsokteng nou ni kiplotsün theau ni shaniu;

¹⁰nungtiphe ti aküotheüh ni tü tsüthane naiuso atsam shimkü ti alothe tsüshi-e.

¹¹Ni khutsün chikü nai kipsanau thaiutha Goa nou apa honghoi taiukiu-e.

¹²Ahok nai lung nousoüh tsütawai au ngüso pha nou helokü ni loksane.

¹³Ni atsaoting chongkhao naiuso she suntsün pao nouso ta ngame, chongkhao nouso si pao nouso chiai tsakei-e.

¹⁴Goa nou ngioji, “Ngü tsüojintsünso ngo kipsane naiuso ngü APAOU ta jünian ngetsünso halou-e.

¹⁵Tilai ngüsoüh ngü tü jone, ngo ngüso tü thala-e; tilai ngüso angja nai noi-e, ngo ngüsoko noi-e. Ngo ngüso kipsane naiuso loksankü taiu-e.

¹⁶Aakihlaiu kiukü ngo ngüso mongtsami-e; Ngo ngüso kipsane.”