Read Khiamniungan Naga Nianlom Jih 92 Bible Online

Nianlom Jih 92 - Khiamniungan Naga bible

Nianlom Jih 92

¹O APAOU, nihau nianlom kiuau, O Atsokteng Goa, anian loksankü jih jih-au titi amei.

²Ni atsüojin ahom pungkü wepengau naiuso asoh tsütokü ni mongkiutsün welutau thaiutha;

³ao khongkü jih hangtsün jengtsaiu naiuso kokiang khongkü sang amei nou lomsane.

⁴O APAOU, achhi asong nousoüh ngü monglingatiji; ni chhisiyakü shitsün shioko amongling nou ngo jih nou jihji.

⁵APAOU, ni chhitsün titi asong noin! Amongthat lüko titi aokü noin!

⁶A-aiu khaiunia tsaküh ngeao tsüshiokü nung tsotsak noin; tsüdekünai mainga tsaküh ngelaau tsüshio:

⁷Tsümeikünso chih ai khekkü samsanau shiom, tsüthakü chhisiyatsünso tsüomei au shiom; lüko ngüso apem lomokü wane,

⁸tiautenai APAOU ni, asaita atsokteng noin.

⁹Ni thako tsaotsünso eane, naiuso tsümeikünso chikü shiolokü wane ta samüh ngeji.

¹⁰Liu ai noitsün jangtsopong tsakli kongkü ni ngü shan; amongling nou ni jü thaiumei-i-iu.

¹¹Jü ehso shiolouwantsün ngo epiu naiuso tsümeikünsoüh wetsün ngo lula-iu.

¹²Asio khaiunia nou pengpai nouli shinge; Lebanon nai Cedar pai nousoli ngüso samsane.

¹³Ngüso to APAOU tsamai thumtaiutsün pai nouso khekkü noin, sam Goa Amkham Tsam nai ngüso shinge.

¹⁴Paikengkü iula lüko ngüso ta eiu nou eiu-e naiuso asaita sangnyakü naiuso mongkü noi-e.

¹⁵Nungüh APAOU ngiotsüo noin naiuso jü akiploutsün da ti aphio tsünoi ta hanji.