Read Khiamniungan Naga Nianlom Jih 96 Bible Online

Nianlom Jih 96 - Khiamniungan Naga bible

Nianlom Jih 96

¹APAOU tü jih ayan tsak lüjihlut! Goumchi chikü nou APAOU tü lüjih!

²APAOU tü lüjihlut, naiuso apa lülomsan! Apaüh sam kipsantsün ngem amei nou ajekhaiu pungkü lüwepeng.

³Mele nouso tü apa ajinka, khaiunia chikü tü apa athanga chhisiya nouso lüwepeng.

⁴APAOU asong noin naiuso apato tsokkü lomsanau noin; goa nouso apem khengai apa hau asuhatkiu-au noin.

⁵Amao mele goa nouso sotsom lu noin, lüko APAOU nou to aün nouso shan.

⁶Ajinka naiuso oukong nou apa lemkü noin; Apa Amkhamtsam oukong naiuso alengmei nou miankü noin.

⁷Goumchi khaiunia chikü nou, APAOU lülomsan; apa ajinka naiuso akong lülomsan.

⁸APAOU ün ajinka nian lülomsan; chaithio kankü apa Amkhamtsam ai ashi.

⁹APAOU tü asio shitho thokü lüamkham, goumchi chikü apa khako lüngaongao-i.

¹⁰“APAOU to nokpao noin! ta mele chikü tü lüngio. Goumchi nou athannai mongkü alemlemau tsüshiokü shananiu; apaüh khaiunia nouso ngiotsüo nai mikheme.”

¹¹Goumchi naiuso aün nouso lümonglingi! Khiamnok naiuso nungko noitsün chikü lüngao-i;

¹²kengpun nouso, naiuso nungko noitsün apem, lümonglingi! Liutsa nai pai nousoüh amongling sang asong nou we-e,

¹³tilai APAOU nou goumchi nai nokshingau shi-e. Goumchi khaiunia chikü apaüh ngiotsüo naiuso phaphiphamong tsüyangkü nouko mikheme.