Read Khiamniungan Naga Ngiopung Ngiothi 13 Bible Online

Ngiopung Ngiothi 13 - Khiamniungan Naga bible

Ngiopung Ngiothi 13

¹Angelatsün melothso tsaküh apa poüh apa lothakiutsün taoko angio angji; lüko abülom khaiunia nou apa tsütha ta tilaitso tsünyapkiuji.

²Khaiunia amei nousoüh ngüso sonko ti ngioji nung eiu yamhe-e; lüko akausai nousoto tsümeikün chhiaulu naiusilekü noiji.

³Ni singiotsünko tsüokü lüthe naiuso ni aa nou lükipsan. Ayanglou tsünoikü singiotsün tsaküh meshen aa lotheanji.

⁴Cholak khaiunia tsakühtso tsak thaiutha tititso mongchiokü aiulü- nou, apaüh nung tilaitso tsüeppe. Lüko chhisiya kongkü chhitsün tsaküh apaüh aiutsün alum eppe.

⁵Mongsaitha khaiunia nou atsüo- tsüdekün chinyanji; lüko akausai khaiuniahoi ngio nousoüh amiam naiuso nian lochi kankü shiji.

⁶Asio nou aphio tsünoikünso kip- loji; lüko akausai tsangkü angeihoi nouso saowanji.

⁷Khaiunia ajantso ti tsütaiukün nung meshen chija memei ta shan- louji. Loüh ajantso memei thekün nung tsosilu iulakü hanji.

⁸Memei khaiunia tsaküh apa aa kipsanau apa chai wanji; lüko tsosilu khaiunia tsak sauüh tsülohatji.

⁹Asiohoi nousoto okü jetsün awon tsak khekkü noin; lüko angeihoito anyatlüshiantsün tson tsak khekkü noin.

¹⁰Abülom nou angjatü simkü amao ti tsülusanji. Lüko ayamhan thaiutha sanglutsün bao tekkü meijeng.

¹¹Ni amemei jengtsaiu tititso siukü eploji; nungti thatso liukü nung khemane. Lüko titi thatso chekkü chensane, nungti thatso ni tekkü taiu-e.

¹²Tilai ayangtaiu nou saowanji, mong nou saowanji, lüko amongchio shithawao-itsünko ni amongling nou meaniji.

¹³Ni ayamhan amei nou nanan naito, ni angja nou ta saoji, nungtü lühoilut naiuso ni kipsanji.

¹⁴Angelatsün nou tsandetsünto aa haiuchetngan; tilai ni aa nou angja nai noi-e, nungsoüh ni hachu-e.

¹⁵Ilatsün nouko asuhat nou shioloji, lüko sauhai da amonglamau tsüshioji ngüsoto alothean yam nai tsakü noin.

¹⁶Athsümon khaiuniahoi nou asaita ngüso chhisiya khako yang- luji, lüko a-aiu khaiuniahoi nousoüh ngüso tsüngekün ngüso chija hananji.

¹⁷Amonglamau tsünoikün ngio- ngem kantsünsoüh angja losanji; lüko sauhai ta amonglamau maikü noin ngüsoüh nokmei kankü shiji.

¹⁸Alothakiutsün tsüloukünsoto tsosilu naiuso amiam eppe. Lüko alothakiutsün tü sauüh ang-e apato lomsanji.

¹⁹Ni ti aiuji nung eptsünto titi thatso amei noin! Lüko a-aiu khaiunia nousoüh angei ainou phokle au tsümongchioji.

²⁰Angehoi hoikamko lünoi, naiuso ni ange iula-e. Lüko a-aiu khaiunia hoikamko ni haimei shan naito, ni lotheane.

²¹Angeihoi nousoko alumai angja nou hoilutji, lüko asio khaiuniahoito atsüomei sunlut kiuji.

²²Khaiunia amei tsak nou apa thsaosithsoso hau taiukiu au jeng- tsaiu taiu-e; lüko angei khaiuniahoi ün jengtsaiuto asiohoi dongai khuwane.

²³Liusaiu goh nou angjahai thaiutha eheshiu saiukü eiusan-iji; lüko ngiotsüo tsüngiokün khaiu- niahoi ainou nungso lolaokü wanji.

²⁴Ni athso melothso nou tsülohat naito, ni apatü tsütsüojinji. Ni apa tsüojinji naito, ni apa lotha kiu-e.

²⁵Asiohoi nou mongtsam thasang- kü heshiu au saiukü noin; lüko akausai hoito asaita thai tsümeankülu noi-e.