Read Khiamniungan Naga Ngiopung Ngiothi 18 Bible Online

Ngiopung Ngiothi 18 - Khiamniungan Naga bible

Ngiopung Ngiothi 18

¹Khaiunia sauhai amaohaiko tsühoi-elükhunji ngüso to meshen thaiuthalu ta yangtsünhoi noin; amaohaiüh ti ayam thakü noin ta ngeji ngüso nungko tsümong- chiohaji.

²Mainga tsaküh apaüh ngelaji si tsüngela nung thaiutha ti ayang tsünoi; apaüh mongchiotsün chikü nou apa titi angela noin talu hanau mongchioji.

³Angei si amiam nemtso aikülu khuji. Ni asuhat mowan naito, nung thangko anyaplüshiantsün eppe.

⁴Khiamnokli aokü, haiuthsoli sangkü, khaiunia tsak ün ngio nouso nung mongthat mongsai chettsün tsak noiau shiom.

⁵Aphio nou tü jungau naiuso aphio tsünoikünso hau ngiotsüo eptsün lolaokü wanau ayam tsütha.

⁶Tilai mainga ajantsoüh ngio athashi-etsün yachuji, apaüh ashiuhtsün tü saoji.

⁷Tilai mainga tsaküh chiteji, apaüh apa pem lotheanji; tiautenai apa meshen ngio jin nouko monanji.

⁸Amaohai thaiutha chitetsün nung thatü anyaothing noin- samüh nung mioli au titi tsüojinji!

⁹Cholak khaiunia tsak nung alothekiutsün khaiunia ajantso tü tsaojeng.

¹⁰APAOU nian nung akongting tsamthong tsak khekkü noin, asiohoi nungai khuji küta kipsankü noiji.

¹¹Memeihai jengtsaiu nung ngüso oukong noknio, naiuso ngüsoüh nung ngüso khako dio ai alaiu tsak khekkü noin ta yangji.

¹²Khaiunia tsak apa atsamlou tsü- noikün lektso sauühtso asuhattsün tsünoi, thatü bülomtsün khaiuniahoi ngüso alotheantsün yamko noin.

¹³Ni mothalakün khako lüyanglu. Ni nungti tsüchhikü naito athaiutha alochilotsaotsün noin.

¹⁴Tilai ni akia noiji, ni tsü-eane ta yangtsün nou ni lolao-e, lüko ni nung mongyang le-an naito ni nou athonting mongyang mowaniu.

¹⁵Ilatsün khaiuniahoi nouso asaita angelouau mongchiokü noiji.

¹⁶Ni asonghai tsak ko pheteau mongchioji süne? Apa hau paopei tsak lükan nungaih siudekü noi-e.

¹⁷Mikhem noikham nai chongting singiotsün nung apako, khengetsün nou asangshiau motsaloukün lektso ayam thakü nai noin ta yangji.

¹⁸Oukong khaiunia nime mikhem nai tsaküh tsak thako khenge nai, phongde tsangkü nung mikhemau shiom.

¹⁹Adeisinio lühachu naiuso apaüh ni noknio lungpe akongting tsak khekkü kiplou-e, lüko ni apako li-e naito, apaüh athaiutha apa kou nouso kiapkü wane.

²⁰Ni chitetsün alum nouko amai eptsün nou ni aa nou kih-e.

²¹Ni ti ngioji nungüh aa nou jüosanau tsüdekünai nung lotheanau shiom; nungtiphe ni angio mai louau noin.

²²Sauüh tsammongnyiu tsak eplouji, apaüh tsotsak ameitso eplouji; nungüh APAOU nou niko meikü noin ta hanji.

²³Tilai tsosilu khaiunia tsaküh chiteji, apaüh akojatsün ngio kankeiji, lüko tilai memei khaiunia tsaküh thalaji, apaüh ngio akong tsak nou thalaji.

²⁴Haimei ajantso to laiukü tsünoiji, lüko haimei ajantso to deisinio hoi tü simkü mongkü noiji.