Read Khiamniungan Naga Ngiopung Ngiothi 2 Bible Online

Ngiopung Ngiothi 2 - Khiamniungan Naga bible

Ngiopung Ngiothi 2

¹Jüthso ngü nitü ti tsandeji nung lüngelou, naiuso ngü nitü ti chhisiya au ngiom nung tilaitso labe-an.

²Ti ayam noin nungtü lü-anglu, naiuso nung ngela au lükowe.

³Ah, ange thaiutha lüsao; naiuso angelatsün thaiutha lükoja.

⁴Nung thaiuthako ni shiotsün lektso tangkason, tsüdekünai atsangtaiutsün jengtaiu tüli lüyam.

⁵Ni chhi naito nitü APAOU lon hatau tiauta ngioji nung ngelou-e. Naiuso Goa thaiutha ngelouau ni shio-e.

⁶Mongthat mongsai kiutsün nung APAOU nou noin; apa ainou ange naiuso angelatsün shiji.

⁷Apaüh asio naiuso saitha khaiuniahoi hau, ahachu naiuso akiplou nou kiuji.

⁸Apaüh amaohai tü phaphi phamong tsüyangkü kankeitsünso kiplouji, naiuso sauhai apa da thumkü kiukü noin nungso tü hüji.

⁹Ni ngü tü ang naito, ni ayamtha nou, ngiotsüo nou naiuso saitha nou ngelo-e. Ni ti chhisiya au noin nung ni ngelou-e.

¹⁰Ni angelatsün iula-e, naiuso ni ngetsün nou nihau amongtsamtsün kiu-e.

¹¹Ni tü noitsün a-nge naiuso angelatsün nou ni kiplou-e,

¹²naiuso aphio chhisiyatsün ainou ni laolo-e. Ngüso ngio tsangkü angem lousantsün, khaiunia nouso ainou ni kipsane.

¹³Nung khaiunia nouso anyakhem yam nouso ai tsakei au thaiutha, asio aakih nou wanan,

¹⁴nung khaiuniahoi tsümeikü chhitsün nai monglingji, naiuso tsümeikün chhiau mongchioji,

¹⁵nungso amonglamau tsünoikün khaiuniahoi nouso noin.

¹⁶Ajisiwop menyiu sauüh apa ngio anyaothing nou ni taime au koweji, nungko nou ni thakhu au shio-e,

¹⁷nung menyiu nou meshen tsammongpo wananji, naiuso apa ün asio ngiomongshinge nou be-anji.

¹⁸Ni apa tsamai khunaito, ni eantsün yam ta tsakeiji. Nungai khutsün to eantsün goumchi dongai khuwanji.

¹⁹Sauhaiüh apa tü sailuji tsaktso laokü tsüshishiji. Apa tilaitso aa yam dongai laokü tsüshishiji.

²⁰Nungtiphe nito khaiunia amei sakshi nou ta hoilut au noin, naiuso asio aakih tsak kih au noin.

²¹Asio khaiuniahoi- saitha khaiuniahoi- nouso sam goumchiko kih-e.

²²Lüko tsümeikün khaiunia nouso goumchi ainou soimo-e, naiuso angeihoi nouso, paisam aosam khekkü nung goumchi ainou sekkane.