Read Khiamniungan Naga Ngiopung Ngiothi 5 Bible Online

Ngiopung Ngiothi 5 - Khiamniungan Naga bible

Ngiopung Ngiothi 5

¹Jüthso, jüngio nouso tü mong akiu, naiuso jümongthat mongsai angela nou tü anglu.

²Nungaito ni titi saisile meiau noin nung nge-e, naiuso angio nousoüh nitü a-nge nou noin ta hane.

³Amao tsak ün tsammongnyiu sonkou nung liukhiamli nyaothingkü, naiuso apaüh cheptsün olip khaiutsomli, matchaikü noiau shiom,

⁴lüko tilai nung chikü yankü khu-e, apaüh nihau akhosak naiuso amongkialu poitaiu kiu-e.

⁵Apaüh ni eantsün goumchi nai nialoukü napane, apa tsakeitsün yam nung eantsün yam noin.

⁶Apa aa yam nai tsünoiji, lüko yamtsai ai tsakeiji, naiuso ti in shithawaoji nung tsüngelaji.

⁷Jüthsoso, lo ngütü anglu, naiuso ngü ti ngioji nung tilaitso labe-an.

⁸Nungti nou menyiu tsak ainou soikü anoi! Apa koukhan dongko ashim lüko lashim!

⁹Tsüdekünaito, nitü asuhat noitsün amaohaiüh the-ane, naiuso atsüojinyang tsüsunkün khaiuniahoi, phamongko ni oum taoko eane.

¹⁰Ah, mesanhaiüh ni ün memei jengtsaiu chikü lowane, naiuso ni kowekü chhi-elattsün amaohaiüh theane.

¹¹Ni ee then nai ashesinyih khiamankü ngetkü sai-e,

¹²naiuso ni ngio-e, “Ngü tiauta tsüngelokü noilüya? Ngü tiauta amaohai hau ngü tsülotha-ilüya?

¹³Ngü jü atsandetsünso ngio tsü-ang, Ngü ngüsotü mong tsükiu.

¹⁴Naiuso alekta ngü jü chija nyung khako amiam nou epiu.”

¹⁵Atsammongnyiuko mongkiukü lüthe, naiuso ni nou atsüojin apa haulu lükiu.

¹⁶Amao menyiuhoi tsangkü chetsinyimtsün, thsosoüh nitü ti amei tsüchhi-e.

¹⁷Mesanhai tsüde, lüko ni hachuau athsoso sungjikan au noin.

¹⁸Nungtiphe atsammongnyiuko monglingkü lünoi, naiuso ni tsamsigoh yangtsün menyiuthsoko ni, mongchio thasangkü lü-epsan-

¹⁹Atsüojin nou miankü noitsün jinchaithso tsakli; apa alengmei oukong nou ni monglingkü lütaiu-i; apa atsüojin nou ni lemjeikü lünoi-i.

²⁰Jüthso, ni nou atsüojin ni tiauta amaohai menyiu hau kiu-e? Amaohai tsak ün tsammongnyiu atsüojin ni tiauta mongchio-e?

²¹Ni chhisiyatsün alum APAOU nou epji. Ni tilüsongai khuji apaüh jiokü thapji.

²²Akausai khaiunia tsak angei nouto jin tsak noin. Apa meshen angei nyao noukolu monanji.

²³Apa eanji tiautenai apa chija thatsamloutsün tsünoi. Apa thsüokü mainga shioko apa meshen ekhan nai hongan-e.