Read Khiamniungan Naga Achimtsün 11 Bible Online

Achimtsün 11 - Khiamniungan Naga bible

Achimtsün 11

¹Achaisiou gohmao goumchi chaile oule nai lükankei, naiuso nyitsoto nung alesan eppe.

²Ni achaisiou athang piakü nai lükankei, tiautenai nung goumchi ko ti aküo tsümeikü thawao-e, ni tsünge-an.

³Pai tsak tiai sheikü loilünou, nung aloitsün thangkolu noi-e. Tilai thengmia nou miane, nungai ah nou uoji.

⁴Ahsheih si ahtao tongtü nou talu taiu naito, ni titso lethioau tsüshio-e, naiuso ni be-eiuyam nou tsüyamhe-e.

⁵Ni ahsheih yam tsüngetsünli, tsüdekünai nyiuhai methso noithang nai methso nou uo titi shejikanji ta tsüngetsünli nungti Goa sauüh chikü shanji, apa chhisiya ni tsünge.

⁶Ni lelu nou ahom ahsham lüshiupeng. Nung apem samsane tsüsamsane tsüdekünai tisübao le tao meitso nung ni angioau tsüshio

⁷Anyi awon tü monglingantsün to amei noin.

⁸Ni aakihtsün pon pungkü lümongling. Ni tilektso aakih laiukü noilünou nungtü laiushikü ee noi-e ta lüyangshi. Nung lüko üou.

⁹Oh oum khaiunia, ni oum taoko lükoihe. Ni oum noi taoko lümong- ling. Ni ti chhiau mongchioji nung lüchhi, naiuso amongüh aiutsün nai lütsakei. Lüko ni tilüsong chhiji ta lüyangshi, nung thaiutha Goa nou mi kheme.

¹⁰Amongpemai ti yangelatkü lanoi, tsüdekünai apim tiühtso laloukia-i. Tiautenai ni asaita oum tsünoi-e.