Read Khiamniungan Naga Achimtsün 12 Bible Online

Achimtsün 12 - Khiamniungan Naga bible

Achimtsün 12

¹Ajekhaiu naiuso pon nouso yanlükhun küta “Ngü aakih nai amongling tsünoi,” ta mongiokün khako ni oum noi taoko ni Shantsün lüyangsan.

²Nungh athaiutha aje, alei, naiuso kianthsüo awon nouso nyatlüshi-antsün atao noi-e, naiuso thengmia anyakhem nou tilaitso yankü tsükhu-e.

³Nungaih ni kiplou- tsün phemtso nouso ngaongao-e, naiuso lo kongsimongkü noitsün ahokso tsaosilaokü shi-ane. Chih chiuhe au tsüshiokü huo nou thsaolüshi-ane, naiuso aniovei tsü- tsüoshi-e.

⁴Sonkeng nai ngemtsün anoukhanüh lula au tsüshiokü kekkane. Ni thamthao ngem naiuso jihang sangh nouso jeikü lula au shio-e, lüko waiothso tsak shitsün nou ni asaitaiu ainou lochuwane.

⁵Ni atsok nou lon hat-e, naiuso atsakei au hat-e. Akhaiu ou thaiuwan-e, ni jeikü komkomkü tsakei-e, naiuso achinektsün apem mowan-e. Sam athonting aalouthang nai khuji, naiuso nungai sonkeng nai meashap shaptsün noi-e.

⁶Tangka- son sonkhiang nou chanane, naiuso chaiou tson nou salikü pai-ane, temkhao nai tentsün auo nouso chanthate, naiuso khiam meng nou phetpai-ane.

⁷Sam pem pu aulu iulashi-e, naiuso Goa nou kiutaiu- tsün sam iilo Apa dongai lu laokü khushi-e.

⁸Üou ongko üou, ta achimtsün nou ngioji. Nung chikü üou.

⁹Nungti lüko Achimtsün nung mongthat mongsai noiphe, apaüh ngetsün khaiuniahoi hau tsande- lutkü noi. Apaüh ngiopung ngiothi nouso tü aokü yam naiuso nung ngiotsüo nou ta mong saitha nou thelukü noiküla.

¹⁰Achimtsün nou aaloukiutsün ngio nouso yamsanau kowe, lüko apaüh sattsün ngio nouso nung saitha noiküla.

¹¹Mongthat mongsai noitsün khaiunia nousoüh ngiotsün ngio nouso to onnemok jimhoi nousoüh onnemok yamnia au kankeitsün pailai amonting tsak khekkü, naiuso ngiopung ngiothi kamsantsünso to sonlah mongkü lahthiotaiutsün khekkü. Nung ngio nouso sam chikü jimtsün tsak nou Goa tsangkü kiutsün noin.

¹²Jüthso, samüh auokü yanghekü tsüolouau tso tsak noin. Thsam piakü sattsün nai athon tsünoi, naiuso a-ngelouau thatü yamtsün nungto shesinyih tanat aulu.

¹³Athonting nai nunglu ngioau poishin: Goa lon lühat, naiuso Apa ngiokhem lükankei, tiautenai khaiuniathso nou nung thaiutha lu sheithokü noin.

¹⁴Samüh chhitaiu- tsün amei tsümei akau ai chhitsün saokü apem tü Goa nou mi kheme.