Read Khiamniungan Naga Achimtsün 3 Bible Online

Achimtsün 3 - Khiamniungan Naga bible

Achimtsün 3

¹Nung goumchi ko athawaotsün alum Goa nou chosantsün atao nouko thawaoji.

²Achetau atao tsak, naiuso ean au atao tsak; athomau atao tsak, naiuso aseksan au atao tsak,

³Aloat au atao tsak, naiuso alomei au atao tsak, alaopeng au atao tsak, naiuso alahshi au atao tsak.

⁴Ashap au atao tsak, naiuso anyai au atao tsak, amongsaiu au atao tsak, naiuso jih hangau atao tsak.

⁵Lung yakkan au atao tsak, naiuso akamshi au atao tsak, apippe au atao tsak, naiuso tsüpippekü hau atao tsak.

⁶Ayamlou au atao tsak, naiuso eploutsün ian au atao tsak, akamtaiu au atao tsak, naiuso ayakkan au atao tsak.

⁷Achipek au atao tsak, naiuso achioshi au atao tsak, nyankü noiau atao tsak, naiuso achite au atao tsak.

⁸Atsüojine au atao tsak, naiuso achinyane au atao tsak, Ehli au atao tsak, naiuso nokmei noi au atao tsak.

⁹Sam chhi apem ainou samüh ti alesan ep?

¹⁰Goa nou sam tü thsale asong thoiluttsün ngü nge-en.

¹¹Apaüh alum thaiutha atao tongtü thatsankü taim. Apaüh sam tü ashiau nou atao ngeau among- chiotsün kiuji, lüko apaüh chhitsün samüh thathangkü ngela au to tsüshioji.

¹²Nungtiphe sam aakih noitaoko samüh chhiau atengting nou to monglingkü noiau naiuso ashiotsün lektso ameiting chhiau noin ta ngü sheisan.

¹³Samüh chhi- santsün nou heshiuküta monglingkü kih au noin. Nung Goa ouk noin.

¹⁴Goa nou tilüsong chhiji nung asaita noi-e ta ngü ngeji. Ni nung tü titso kamlut au tsüshio-e tsüdekünai titso lowanau tsüshio-e. Goa nou chhitsün tsak nung sam Apa lon hat au nou noin.

¹⁵Tilüsong thawaoji tsüdekünai thawaoshiau noin nung beta thawaowankü noin. Goa nou nunglu thekü nung loüh loüh ta thawao-iji.

¹⁶Nung goumchi nouko ngiotsüo naiuso ayamtha nou noiau liko tsümeikü chhitsün ngü epsan.

¹⁷Ngü jü chija yanghekü ngiom, “Goa nou asio naiuso tsüsiokün wekü mi kheme, tiautenai nungso chhisiya alum ataothat nouko thawao-e.”

¹⁸Sam nung thainian nouko wekülu noin ta hanau Goa nou sam tü theluji ta ngü thasan.

¹⁹Tiautenai khaiu- niathso si thainian wekülu. Tsak nou tsak khekkü eanji. Ngüne nemtso ashantaiutsün aa wekülu. Khaiunia nou thainian nou ta meitso tsüde, tiautenai ngüne nemtso thaiutha aakih nung alesan tsünoi.

²⁰Ngüne nemtso athang tsak nai pukhao nailu khuji. Ngüne nemtso nung ainou shiji loüh nungailu khushi-e.

²¹Khaiunia onthso aün ai sungkhuji naiuso thainian onthso gohkhei ai nappanji ta nung sauüh nge-ankü noin?

²²Nungtiphe sam thaiutha ameiting to samüh chhisantsün tü mong- lingankü noiau noin ta ngü sheisan. Nungtü simküto samüh ti tsüchhisanshi. Sam eankü phiai ti thawao-e nung ngeau samüh tsüshio.