Read Khiamniungan Naga Achimtsün 4 Bible Online

Achimtsün 4 - Khiamniungan Naga bible

Achimtsün 4

¹Nungaih ngü loüh nung goumchi nai phaphi phamong chhi nouso tü thaplu. Thangmangatkü noitsün shapkü noiküla, lüko ngüso sauüh tsühalou tiautenai ngüso tü thangmangkiutsünso da oukong noiküla.

²Sauhai eankü khuwaniu, ngüso tü ngü mongngei tiautenai aa noinso ko naito ngüso aküo meitso ta ngü yang.

³Lüko lo nung goumchi nai aa noinsoko naito lo goumchi nai mochetkü noinso aküo meitso.

⁴Khaiunia nou ashio epau tiau chhi kongkü chhiji nung lüko ngü ngelou-iu: nung tiautenai ngüsoüh meshen phaosipo mongngei nou shiko noiküla. Nung lüko üou, naiuso ahsheih phiai kumkeitsün khekkü noin.

⁵Ngüsoüh ngioji, khaiunia tsak apa pha lamshikü noian küta, apa naiu nou ean naito apa mainga tsakli noi-e.

⁶Pha nemtso tsükengtingkü tanatkü ahsheih thalouau kowe- tsünko naito, intsolu taiukü mong aalokü noi naibao chentso.

⁷Ngü loüh aakih nai üou noitsün tso tsak epsanshin.

⁸Nungko khaiunia tsak pemsa kihtaim. Apa thso naiuso deisinio tsüha, lüko apaüh taiutsün jengtsaiu nouko tilaitso amongtsam tsünoikü asaita chhi nai koweji. Meshen among- lingau tsütheloukü sau thaiutha chhi-elatji? Nung lüko üou- naiuso ti aakih ta tsüdekün tsak noin.

⁹Tsak nouko naito nime nou chentso, tiautenai ngüne kamkü chhisiya ashio epkü chhisanau shioji.

¹⁰Ngüne ongko tsak khia-an nai, tsak nou apa tenchu au shio-e. Lüko khaiunia tsak pemsa thekü khia-an naito, apa hachu au nungko sau tsü- noiphe, titi theau tsümei.

¹¹Chong naito lamkü noiau khaiunia nime sai au shiom, lüko pemsa naito titi thekü lamkü noiau shio-e?

¹²Pemsa nou tsüthakipkün nime nou to thakipji. Auochan süme thsa-etsün auo tsak chanthatau asiu tsüde.

¹³Khaiunia tsak tsosilu aküo ainou apa goumchi chiai nokpao theau shiom, tsüdekünai akhotsam ainou nokpao noikham ai sungau shiom, lüko apa ason yamai ayamhantsün tsüloukü nga-an naito, tsosilu oum khaiunia tsak iilatsün tsüthasaoteng.

¹⁵Ngü nung goumchi nai kihtsün khaiunia apem thaiutha yanghelu, naiuso ngüso ongko tsoaito nokpao noikham louau oum tsak to han ta ngü yangsan.

¹⁶Nokpao tsaküh nokshingtsün khaiuniahoi haowe athat tsünoikü hau shiom, apa yanlükhunan nai apaüh chhitaiu- tsün tü sautso tsümonglinge. Nung lüko üou, nung ahsheih ta kumkeitsün khekkü noin.