Read Khiamniungan Naga Achimtsün 5 Bible Online

Achimtsün 5 - Khiamniungan Naga bible

Achimtsün 5

¹Amkham tsamai khunai ni tso tsak loukü lüthe. Ngüsoüh aphio chhiji ta tsüngekü aloat chaithio kiuau khutsün mainga haili tsüdekü, nungaito angelouaubao khunai meitso.

²Ni mosingiokün khako lüyanglu, naiuso Goa ko hekliukü athalou-e titso lashantaiu. Apa aün nai naiuso ni goum nai noin, nung- tiphe ni ngioau nou chiai titso langio.

³Ni titithatso yangelate, nungtitha- tso a meamean tsümei-e, naiuso ni titithatso piakü singio-e, nungtitha- tso angio nai aphio nou ha-e.

⁴Nungtiphe tilai ni Goa ko ngiomong tsak taiu-e, nung ashiotsün lektso liukü lüchhi-an. Tiautenai yaang nouso tüto apa tsümonglingji. Ni ti chhiau ngiomong shanlou nung lü- chhian.

⁵Shanlou taiuküta tsü- chhikünko to, tsüshanloutaiu naibao chen.

⁶Asonkou ai shikhutsün nou ni longeiau lümeikü ni lasingio, tsüde- künai ni aünhong nou tü phiowaniu ta langio, nungti Goa nou angio nouso tü mongmat nai, ni chhitaiutsün chhisiya nouso mowani-e tsüdeso?

⁷Ni titithatso meamean mean lünou, titithatso üou chhi lünou, tsüdekünai titithatso singio lünou, ni Goa lon hatau noin.

⁸Nokshing nou tsosilu hai thangmangkü ngiotsüo mikhem naiuso ngü- so haoson ayamtha nai tsükankeikü epnai ni, asonghoi pungkü momo khengko asong tsak noin, naiuso nungso khengai loüh asonghoi noishin.

⁹Nokpao tsak lüko apaüh heau eiu ai sungtsün tü lu monglamji.

¹⁰Ni chaitü tsüojin nai, ni laitso niovei mean tsüyange, ni memei the-au aiunai, ni aiutsün apem tsüthalou-e. Nung üou noin.

¹¹Ni titithatso memei-e, nungtithatso khaiunia piakü ni tsadau noi-e. Nungko athaiutha alesan nou ni memei ta ngelatsünlu noin.

¹²Kowekü chhitsün khaiunia tsak to eheshiu piakü taiuko tsütaiuko apa asoh aalokü saiau shioji. Lüko memei khaiunia nou to apa jengtsaiu piakü taiutsün shioko apa niongao tsüchiji.

¹³Nung goumchi ko ngü amongkia au tsak epsan: Khaiuniahoi nou ngüso tü pohtsün tao theau chaisiou kamsanji,

¹⁴küta nungso apem aküo tsümeikü thawaotsünko lomowanji, naiuso thsohai hau kiuau to titso tsüpoishiji.

¹⁵Sam nung goumchi nai tsosa shitsün khekkü tsosalu khushiji, samüh chhisantaiu lüko titso kankü tsükhu-e.

¹⁶Nungto tsüthamei! Sam titi shin nungtilu sam khushiji. Ahsheih thalouau khekkü sam kowe lüko sam thaiutha alesan ti noin?

¹⁷Sam aakih nung anyakhem amongsaiu nai yange- latkü mongmatkü, naiuso kiasiyakü kih au lu noin.

¹⁸Khaiunia aküo nouto, Goa nou kiutaiutsün aakihlaiu letletkü nouko sauüh lünou apaüh chhisantsün ko monglingatkü hekü shiukü noiau lu ameiting yam ta ngü thasan.

¹⁹Goa nou khaiunia tsak hau memei jengtsaiu ouk kiutsün tü mongchio thasangkü monglingtsün to Goa ainou paopei noin.

²⁰Goa nou apa monglingiau yam sopkiuphe, apaüh aakihlaiu letletkün thaiutha thatü yangelatau tsünoi-e.