Read Khiamniungan Naga Achimtsün 8 Bible Online

Achimtsün 8 - Khiamniungan Naga bible

Achimtsün 8

¹Athawaotsün alat nung mong- that mongsai khaiunia noulu ngelaji. Mongthat mongsai nou khaiunia tsak khasinio awon-iji.

²Nokpao nou ti ngioji nung lü-ang, naiuso Goa ko hekliukü athalou lashantaiu.

³Nokpao nou apaüh mongchiotsün tilünou chhiau shiom. Nungtiphe apa dong ainou asoi-an; nungtin ahat au athang nai lanoi.

⁴Nokpao nou oukong hakü chhiji, apaüh chhitsün tü saulünou kheng- shiau tsüshio.

⁵Ni apa ngiokhem nouso angtsün lektso to ni aaloukü noi-e, naiuso mongthat mongsai khaiunia nou nung ti taoko titi chhi-e nung ngeji.

⁶Alum chhisiya thaiutha ataothat tsak noiji, naiuso nung chhiau ayam tsak noiji, lüko samüh to thsaothsaokü lu nge-en!

⁷Ti shi- thawao au noin nung sam sauühtso tsüngeji, naiuso nung samhau chiteau tsaktso tsünoi.

⁸Eantsün ainou lolaokü taiuau sauüh tsüshio tsüdekünai apa eau ajekhaiu loyangtaiu au tsüshio. Samüh kausaiatkü haiulouau tsüshiokün ehlithang nou nung tsak noin.

⁹Nung goumchi nai thawaotsün thaiutha yanghelunai, ngü nungso apem ep: nung goumchi nai khaiunia ajantso phamongko oukong noin, naiuso ngüso khemko ajantso angjaji.

¹⁰Ah, ngü khaiunia tsümeikünso khananküta etam ainou laoloukü shitsün tao, ngüsoüh chhi tsümeikü chhitsün noknio nai kihtsün khaiunia nousoüh ngüso nian lomkü chitetsün ep. Nung lüko üou.

¹¹Chhi tsümeikün mai thunkü angja tsükiujiphe, khaiuniahoi nou aletlou tsünoikü tsümeikün chhianji.

¹²Angei khaiunia tsaküh chhi tsümeikün tsom tsak jam chhikü lüko aakih au shiom. Ah, nung ngiotsün ngü ngeji: “Ni Goa lon hat naito, alum ko mei-e,

¹³lüko tsümeikünso thaiutha to achek noi-e. Ngüso Goa lon tsühatphe, ngüso aa nung ahkhemsoh tsak khekkü yanlükhune naiuso ngüso oum taoko eane.”

¹⁴Lüko nung yaang. Goumchi nai ti thawaoji athaplu: jamjam angei khaiuniahoi nou tsümeikü chhitaiu- tsün thaiutha ko asio khaiuniahoi nousoüh bao angja epji, naiuso asiohoi nou amei chhitaiutsün mai nou angei khaiuniahoi nousoüh the-anji, nung üou ta ngü ngioji.

¹⁵Nung goumchi nai aahkih taoko apa kowelatkü chhitsün mai thatsoto apaüh theau noin.

¹⁶Ngü tilai mongyang haopungkü theküta goumchi nai tilüsong thawaoji nung ngelu au, asoh si anyi tsüsailakü kowe lüko,

¹⁷Goa nou ti chhiji nung laitso tsüngela-e. Ni titithatso kowe lünou ni tilaitso tsüyamsane. Mongthat mongsai khaiunia nousoüh nge-en ta penlüko, atsüo to tsünge.