Read Khiamniungan Naga Jih Ongko Jih 3 Bible Online

Jih Ongko Jih 3 - Khiamniungan Naga bible

Jih Ongko Jih 3

¹Sotsü tsütokü jüthen ai ngü tsüojintsün tü yangkü noiküla; ngü apa yamkü noiküla lüko apa epau tsüshio.

²Ngü noknio nou naiuso noknio kewem yankü tsakeikü noiküla. Ngü tsüojintsün nou tü ngü yamküla, lüko apa epau tsüshio.

³Noknio sailukü tsakeitsün ehühoi nousoüh ngü ep. Ngü ngüso tü sangkü ngiom, “Ngü tsüojintsün asamüh epmo?”

⁴Ngü ngüso wankü khutsünkolu ngü apa eplou. Ngü apa thalouküta jünyiu tsam ngü chetsinyimtsün tsampai ai, apa monialükhunkün lektso ngü apa tsüjashi.

⁵Yirusalem menyiuso, akhaolaoting jinchai nouso nian jonkü, ni sam tsüojinetsün ko ashiusong tsükiu-e ta ngü tü athalou.

⁶Inkhao asuntham tsak khekkü angan nyamtsün khaiutsom, naiuso chailehai tsangkü jantsün laoshang angannyam liutsa ainou shitsün nung ti in?

⁷Israel nai ameiting süpaihoi aoluok nung, apa ehü au thekü apa nokpao noikhamko moknoikü Solomon shiji.

⁸Nungso chikü ehli sahsingiu lokmontsünso noin; ngüso chikü ehli nai mongnyanhoi nouso noin. Ngüso pungkü sahlok jije noin, naiuso nung asoh pha pohtsün ta jimkü noin.

⁹Nokpao Solomon nung pai ameiting nou shantsün noikham nai, moknoikü pikeiji.

¹⁰Apaüh nung kheam nouso tangkason nou chujeikü noin; naiuso nung chiai chaiou lakkeng leng nou chiolutkü noin. Nung noikham nouso ne nyingnyingkü nou sajeikü noin, naiuso nung Yirusalem menyiuthso hoi tsangkü aleng meikü chiosan.

¹¹Zion menyiuthsoso ashi, küta Nokpao Solomon tü athap. Nungko apa tsamsigoh shantsün ajekhaiu ko, apa monglingattsün ajekhaiu nouko apa khaiu ai, apa nyiuüh keluttaiu kiutsün nokpao kandio keikü noin.