Read Khiamniungan Naga Jih Ongko Jih 4 Bible Online

Jih Ongko Jih 4 - Khiamniungan Naga bible

Jih Ongko Jih 4

¹Ni titi aleng amei, O jü atsüojinetsün! Akhaiuke phiai aniovei atsüojin nou titi uoji. Akhaiuo Gilead king nouso ainou wonhoi langkü saotsün, khekkü sa-ikü noin.

²Ahou so loting tippan küta khiam pengan phiai, onnemok hoi yanthsüokü noitsün khekkü, nungso ongko tsak lüko tsümowan, ngüso chikü tongtü waokü noin.

³Asonkou ewoi aseng tsak khekkü, ni singiotsün taoko athapao thatü meikü noiji. Akhaiuke phiai a-onthong nouso athapao titi amei.

⁴Asang nung sangkom sübao tü lathok heng tsak pokü, nyincheikü komkü noitsün David tsamthong khekkü noin.

⁵Anyaoso nung lakkhaiu taopun ongai thsan tsamhekü noitsün, jinchai thso nime khekkü noin.

⁶Ahom ahshei-itang sheitün naiuso anyakhem yankü mokhukün lektso, ngü laoshang angan nyamtsün king nai noi-e.

⁷Jü atsüojinetsün ni titi aleng amei, ni da tsüsaiukü ti tsünoi!

⁸Lebanon king nouso ainou ngüko ashi, Ngüko tsamsigoh yangau noitsün Lebanon king ainou ngüko ashi. Amana king atsokting ainou asao, chongkhao naiuso alengsat potsün khao nouso kihtsün Senir King, naiuso Hermon king ainou ashi.

⁹Aniothap naiuso ni thetaiu nou lak nou, ngü tsüojintsün naiuso jü tsammongnyiu ao theau noitsün, ni jümongpem sailouwaniu.

¹⁰Ni tsüojintsün nou ngü mongling-iji. Ngü tsüojintsün naiuso jü tsammongnyiu au theau noitsün! Ni ün atsüojin to theng chiai meitso; ni ün anyaothing angannyam nung amao laoshang angannyam tü meitso.

¹¹Jü atsüojinetsün, asonkou da liukhiam khekkü anya nou noin; aleikhaiu nung jü thaiutha nyao naiuso liukhiam noin. Aneshe da Lebanon ün angannyam apem noin.

¹²Jü atsüojinetsün, jü tsammongnyiu au theau tünou, nung tsangpokkü taiutsün aimong tsak noin. Pejeikü taiutsün aimong tsak, tengkhaiu haiungan tsak noin;

¹³nungko paisam nouso singkü samji. Nungso thsomshikü noitsün sasashep pai nouso khekkü, eiu ameiting nouso eiusanji. Nungko henna naiuso nard asaita noiji,

¹⁴naiuso saffron, Kalnus, naiuso Cinamon, tsüdekünai angan nyamtsün in pungkü noin. Angannyam ameiting suntsün laoshang, naiuso aloe nouso nungko sungji.

¹⁵Ni haiuchettsün aimong tsak, haiuthso khiam tsangtsün tsak. Nung Lebanon king nouso ainou chetsankü saotsün haiuthso nouso noin.

¹⁶Shingngan ahsheih athsümon. Alengmei ahsheih jü aimong khütha nai asheilut; küta ahsheih nou angannyam nou miankü anoi-i. Jü atsüojinetsün apa aimong ai ashi-i, küta nung pai eiu ameiting nou lühe-i.