Read Khiamniungan Naga Jih Ongko Jih 7 Bible Online

Jih Ongko Jih 7 - Khiamniungan Naga bible

Jih Ongko Jih 7

¹Oh menyiuthso ni titi angawantsün tsak! Hokkhut nouso khutnai ahok titi alengmeikü noin. Ashiolakphi nouso waisohai chhi waiphi khekkü.

²Alaowetsün theng tilaitso ashiukheman tsüyangkün, thengkam nungko noin. Lakkhaiu taopun nousoüh lemjeikü, nungko whet tsopong tsak noin.

³Anyaoso jinchai thsoib khekkü, naiuso jinchai nime khekkü.

⁴Asang nung senpok hou tsamthong tsak khekkü. Aniovei nouso noknio asong ün bekhan shimkü noitsün, Hesbon noknio nai khiam temkhao nouso khekkü noin. Angan nung Damaska dongai sheikü noitsün, alengmei Lebanon tsamthong khekkü.

⁵Akhaio nung Karmel king atsok khekkü. Naiuso akhaiu nai khaiuo shingshingkü nyakhaokü, nung alengmei nou nokpao monjeikü noin.

⁶Ni titi alengmei naiuso mongtsam thasangtsün noin; ni nou atsüojin nou amongchiotsün titi thapem kiuji.

⁷Akhawon iwon nung mepai tsak khekkü, naiuso anyaoso nung pai ün sheppung khekkü noin.

⁸Ngü nung mepai nou tü khiangkü sunge, küta nung pai eiu panlou-e. Jü thaiutha to anyao nung sainaoshep pung khekkü noin; naiuso iisa nung kaioshep angannyam khekkü noin.

⁹Naiuso asontham nung theng anyaothing khekkü noin. Nungai theng anyating nou Jü atsüojinetsün dongai, apa sonkou naiuso hou nai saitha napkü tsangkü asao-i.

¹⁰Ngü jü atsüojinetsün kotha nou noin, naiuso apaüh ngü da mongchioji.

¹¹Jü atsüojinetsün ashi, sam chenpa nai khuko küta nung nok nousoko asoh tao nou wananko.

¹²Sam ahom beta chuküta sainaoshep nouso, sam si mosam tsüdekünai nung apun nou pun moko ta thapko, naiuso sasashep pai nouso tü pun süne mopunko ta thapko. Nungko ngü jü atsüojin ni hau kiu-e.

¹³Mandrak taopun nyam nou ni da nyamiau shiom, naiuso jü koukhan dongko paisiauo shep chikü noin. Oh jü atsüojinetsün, amongchiotsün akeng si ayan ngü athaiutha hau taiukium.