Read Khiamniungan Naga Jih Ongko Jih 8 Bible Online

Jih Ongko Jih 8 - Khiamniungan Naga bible

Jih Ongko Jih 8

¹Ngü ni, jünyiuüh apa nyao senkü thashetsün jünio, melo theaoya ta yangkiuji. Nungaito ngü ni yamkheng nai phetenai, nitü son nou chepnai sau tsüyangelate lüsao.

²Ngü ni jünyiu tsamai nialoukü khu-ela, nungai ni ngütü atsüojin tsande-ela. Ngü nihau alaowetsün theng, sasashep theng nou shen-ela.

³Apha tsatai nou jükhaiu khemai noin, naiuso apha uai nou ngütü atsüojine au lothsümonji.

⁴Yirusalem menyiuso, ni sam tsüojinetsün ko ashiusong tsükiu-e ta ngü tü athalou.

⁵Apa ko tsüojinetsün tü niolutkü, liutsa ainou shitsün nung sau? Kaio-pai khem nai ni chetsinyimtsün, athang nai ngo ni lothsümonkü noiküla.

⁶Ngü nou atsüojin lu amongpem shimkü ataiu; amao sau tsüde lüko aphaüh ngü lu apiplou. Atsüojin nou eantsünli oukongkü noin; Amongkiatsün nou etamli thatü tsaom. Nungüh in lasanji, naiuso nung inla athsüoting tsakli iulaji.

⁷Nung khiam nou lonyatau tsüshioji, ti sheleiüh lüko nung lalükhunau tsüshioji. Lüko khaiunia ajantso apa tengkamüh atsüojin tuh au kowe nai, apaüh amiam nou lu eppe.

⁸Sam nio menyiuthso tsak noin, naiuso apa nyao nouso loüh henkülu noi-an, tilai pühe tsak apa ko chite au shi-e, samüh apa thaiutha ti chhikiu-e?

⁹Apa dio ai tsak tünto, samüh apa chiai tangkason tsamthong tsak lalutela. Naiuso apa bekhan tsak tünto, samüh cedar pailintaiutsün nou nung lahjeikü taiu-ela.

¹⁰Ngü dio ai tsak noin, naiuso jü nyaoso nung tsamthong nouso noin. Apa ko ngü aalou naiuso amongtsam epji, ta jü atsüojinetsün nou ngeji.

¹¹Baal Hamon ta jontsün athang tsak nai, Solomonüh sainaoshep ai tsak aiküla. Nungko eiu-a khaiuniahoi pungkü nou eiuphaiu mai tangkason, heng tsak tsak apa hau kiutsün noiküla.

¹²Solomon nung tangkason heng tsak nou monglingkü nialou, naiuso eiu-a hoi nousoüh ngüso haoson tsom nime lou-e. Ngü jü tengkhaiu sainaoshep eiu tsak noin!

¹³Jü atsüojinetsün, ngü hau aimong ainou asangh alula-i; jühaisoüh ni chitetsün tü ang-au taiukü noin.

¹⁴Jü atsüojinetsün jinchai tsak khekkü jüdongai ashi, Angannyam sang samtsün king ai kihtsün, jinchai pongtso tsak khekkü ashi.