Read Khiamniungan Naga Isa 15 Bible Online

Isa 15 - Khiamniungan Naga bible

Isa 15

¹Moab thaiutha ngiongem nung noin. Ar naiuso Kir noknio nouso sotsükolu lomowankü Moab naiuso goumchi aodangkü nou miankü noiküla.

²Dihon hai amkham tsam nai shapau thaiutha king nai sung khu-iu. Moab haiüh Nebo naiuso Medeba noknio nouso thaiutha mongsaiu; ngüso amongsaiu nou ngüsoüh khaiu naiuso sonpun eiuwan.

³Sonkeng nai tsakeitsün khaiuniahoi nou nethe tenkü noknio lemkü amongsaiu nou tsamkhaiu nai sungküta shap.

⁴Hesbon naiuso Eleale nai noitsün khaiuniahoi nouso sang asong nou shap, ngüso shaptsün sang nou laiukünai noitsün Jahaz saokü lulaau shiokü noiküla. Süpaihoi lüko ngüso amongsong nou mowankü ngaongaokü noiküla.

⁵Jümongpemüh Moab thaiutha shapji! Nung khaiunia nouso Zoarhai noksong nai khuthio, naiuso nung ainou Eglat Shilishiya noksong nouso ai khuthio. Khaiunia ajantso ngüso khu taoko shapshapkü Luchit yam tü sungkhu; ajantso Horonaim nai khuthio, naiuso ngüso thatü thsüokü shapkü noiküla.

⁶Nimrim haiuthso apan, nung dongko samtsün kheng- liu nouso wonan, naiuso nungko paithsam asangnya titso poikü tsünoishi.

⁷Nung khaiunia nousoüh ngüso tengkam chikü sunkü Willow Tsamei yankü asolouau kowekü noiküla.

⁸Moab hai elung apemai ashaptsün sangh lulakü noiküla. Nung Elaim si Beerelim noksong nousoko lüko lukü noiküla.

⁹Dihon noksong nai tsangtsün haiumong nung she nou aseng iulakü noiküla, naiuso nungko noitsün khaiuniahoi hau Goa nou nungtü phopkü tsümeikün akuo kamtaiukü noin. Moab nai poikü noitsün püngkü dongai shejeh achaoatetsün noi-e.