Read Khiamniungan Naga Isa 17 Bible Online

Isa 17 - Khiamniungan Naga bible

Isa 17

¹APAOU nou ngiom, “Loto Damaska nung noknio tsakli tsünoishi-e; lüko nung alothean nou kamthiowantsün tsaklu noi-e.

²Siriahai noknio nouso asaita hau leane. Nung onnemok hoi si jangtsohoi thsan tsamhetsün athang tsak iula-e, naiuso khaiunia sauüh nungso tsükomane.

³Israel nung pe tsüsunkü noi-e, naiuso Damaska ainou meshen chija nokshing shing- tsün nou mowane. Siriahai sauhai thakhukü noin ngüsoüh Israel khaiuniahoi khekkü amiam noi-e. Nung ngo APAOU Apemshiotsün nou ngiowaniu.”

⁴APAOU nou ngiom, “Israel ün niansong, nung athon yange, naiuso nung memei jengtsaiu nou tsosilu nou lilowane.

⁵Israel nung Refaim tsamei gohthang aodangkü lean- tsünli lemlowankü naiuso pekeng tsakli noi-e.

⁶Khaiunia thsaokülu poisane, olip atsokting nai nime tsüdekünai süme tsüdekünai kia- hong nai panlowantsün khekkü Israel noi-e. Nung ngo Israel hai APAOU Goa nou ngiowaniu.”

⁷Tilai nung ajekhaiu shi-e, khaiuniahoi nou Israelhai asio Goa, ngüso shantsün dongai ahachu thaiutha phokle-e.

⁸Ngüso loto ngüso phaüh shantsün amthang nou da tsüniolutshi-e, tsüdekünai ngüso pem phasihoküh shansantsün Ashera menyiu goa sotsom nouso naiuso angannyam jahtsün amthang nouso da amonglam tsütaiushi-e.

⁹Tilai nung ajekhaiu nouso shi-e, Hiv hai Amor haiüh ngüso Israel khaiuniahoi ainou khulükhun taoko leantsün noknio nouso khekkü, pe meikü pejeikü taiutsün noknio nouso alothe nai leantsün khekkü leane.

¹⁰Israel, ni kipsantsün, naiuso ni khuluttsün akongting lung khekkü Goa nou asamüh beyaniu. Nungliko, ni gohmao goa tsak tü amkhamau asio aimong tsak shan.

¹¹Ngüsoüh thomthiotsün ahomting nouko sam- sankü naiuso ponsan lüko, nungko be-eiuyam ti tsüyame. Nungko angja naiuso ameitsüyangkün kialu noi-e.

¹²Khiamnok khiampek ngem asong tsak naiuso sheasong khiam ngao tsak khekkü akongting mele nouso apülai nai noin.

¹³Mele nouso khiampek khekkü khaai shiji, lüko Goa nou ngüso thutküta ngüso henyikü king dongai pukhao khekkü lailokükhuwan, nung ahsheih tsak nouko tsokap khekkü noiküla.

¹⁴Ahsham taoko nungsoüh ahatau lümeikü losanji, lüko ahom taoko to ngüso tsünoikü khuwanji. Sam goumchi kamheantsünso apem da akuo nungti noin.