Read Khiamniungan Naga Isa 18 Bible Online

Isa 18 - Khiamniungan Naga bible

Isa 18

¹Sudanhai haiumong nouso yankü khukü akoingem lu- tsün goumchi tsak noin.

²Nungh goumchi ainou paiusihong ot nou shantsün kheng nousoko noikü Nail haiumongai saoji. Paiusihonghoi liu- kü tsamai laokü lükhu! Asam oukong naiuso akongting mele nouso dongai, asam melaiu naiuso konmei khaiu- niahoi dongai, sauhailon goumchi apem nou hatji nung haiu tsangkü janthatkü noitsün agoumchi dongai nung ngiongem laokü kankü lükhu.

³Anglu, asam goumchi nai kihtsünso apem! Kingson atsokting nouso ai ii nehan tsak loksanau noitsün ta athaplu! Jangongmat ngem nou ta anglu!

⁴APAOU nou ngü tü ngiom, “Be-eiuyam taoko asoh ah lamkü noitsünko yamlüko khiamle saotsünli, anyih ajekting nouko aje jetsünli ngo aün ainou thapthio-e.

⁵Sainaoshep nouso mokamshikün khako, tilai apon nouso apem thuk- kan küta sainaoshep nouso semkü iulaji, nung taoko ehoi nouso Su- danhai sainaoshep auo ainou sahthso nou shiutekü hesantsünli lomokü wane.

⁶Ngüso süpaihoi mia waio nouso si liu thainian nouso khako leane. Ahsaiutao ko waio nouso nung da kih-e, naiuso ah-ou taoko thainian nouso nung da kih-e.”

⁷Nung haiu nouso tsangkü janthatkü taiutsün goumchi ainou sübao oukong naiuso akongting mele noin, melaiu naiuso konmei khaiu- niahoi ainou, naiuso sauhai lon goumchi apem nou hatji nungso ainou APAOU Apemshiotsün nou chaithio loau atao tsak shiji. APAOU Apemshiotsün amkhamtsün Zion king nai ngüso chikü shi-e.