Read Khiamniungan Naga Isa 2 Bible Online

Isa 2 - Khiamniungan Naga bible

Isa 2

¹Yihuda naiuso Yirusalem thaiu- tha Amoz thso Isaia hau Goa nou kiutsün ngiongem nung noin:

²Ashiau noitsün ajekhaiu nouso ko nung thawao-e, APAOU Amkham Tsam noitsün king nung apem chiko atsokting noi-e, king nouso chikü khako atsokting athang noi-i-e. Mele chikü nung da tsanglute.

³Naiuso khaiunia nousoüh nung ngio-e, “Israel ün Goa Amkham Tsam nai, sam APAOU ün king nai sungko, apaüh sam hau ti chhi-iao mongchioji nung tsande-e, naiuso apaüh chosantsün yam nai sam tsakei-e. Tititenai APAOU ün atsande Yirusalem ainou shiji; Zion ainou apaüh meshen khaiuniako chiteji.”

⁴Apaüh mele asong nouso jetko apülai nou lotsamkiu-e. Ngüsoüh ngüso sahsingio eiu ah-ao the-e naiuso laih nouso sah shimonau the-e. Mele nouso loto ehli tilaitso tsükhushi-e naiuso ehli au tilaitso tsükhemlou shi-e.

⁵Ashi, Yakob thsaosithsoso, APAOU nou kiutsün awon nai sam tsakeiko!

⁶Oh Goa, ni akhaiunia Yakob thsaosithsoso leaniu! Ajepek naiuso Filistia hai goh ainou shitsün ahlonga nou goh nou meankü noin. Khaiuniahoi nouso gohmao saisile nou ta hoilutji.

⁷Ngüso goh tangka- son naiuso chaiou lakkeng nou meankü noin, naiuso ngüso jengtsaiu akhem tsüyang. Ngüso goh mokthso nou meankü noin, naiuso ngüso mokthso tsamkei nouso akhem tsüyang.

⁸Ngüso goh sotsom nou meankü noin, naiuso ngüsoüh meshen pha nou shansantsün nouso ta amkhamji.

⁹Khaiunia pungkü nou thang- mangkü lomiame. Nungtiphe APAOU, ngüso hau awan lakiu!

¹⁰APAOU ün amongmat ainou haiuloau naiuso apa oukong si ajinka ainou thakhuao ngüso king lungken nouso ai pamau tsüdekünai goh nai thaiukü pamlouau kowe-e!

¹¹Khaiunia mekoi naiuso abülom lomowanau ajekhaiu tsak shiji. Nungai APAOU lu loksane.

¹²Nung ajekhaiu ko APAOU Apemshiotsün nou oukong nouso naiuso abülom si meshen thaiuthalu yangtsünso lonyappe.

¹³Lebanonhai cedar pai alaiu nouso naiuso Bashan goumchi nai lampai nouso chikü apaüh lotheane.

¹⁴Apaüh king naiuso choi atsok nouso ten ai-e,

¹⁵naiuso koipuo atsok nouso chikü naiuso nokshingpe nouso apem pungkü.

¹⁶Apaüh alengmei kheng nouso naiuso asongting nouso lüko khiam nai limthio-i-e.

¹⁷Khaiuniale abülom nou thonane, naiuso khaiuniale amongmat nou lomowane. Sotsom nouso moisemkü mowane, naiuso nung ajekhaiu ko APAOU lu loksane.

¹⁹Tilai apa nung goumchi saiu- saiuau shi-e, APAOU ün amongmat ainou, naiuso apa oukong si ajinka ainou thakhuao khaiuniahoi nou lung noitsün king lungken nouso ai tsüdekünai goh ai khan thaiukü kowe-e.

²⁰Tilai nungh ajekhaiu shi-e, ngüsoüh shantaiutsün chaiou naiuso tangkason nouso yakkane, naiuso nungso kongkei sao nouso naiuso piah nouso hau leane.

²¹Tilai APAOU nou goumchi saiusaiuau shi-e, khaiuniahoi nou lungkap nai khan si ken nousoko apa amongmat, oukong, naiuso ajinka ainou pamanau kowe-e.

²²Eantsün khaiunia nouso da ti amonglam tsütaiushi. Ngüso ko amai tsünoi.